Oxuma müddəti: 4 dəqiqə
Hamiləliyin 21 həftəsi neçənci aydır?
5-ci ay (2-ci rüb)
Mega Omega
Hamiləliyin 21-ci həftəsində körpənizin çəkisi ciftinizin çəkisindən daha çox olur. Onun həzm sistemi fəaliyyətə başlayır, sümükləri isə daha möhkəm və güclü olur. Bəzi yağların bu mərhələdə onun inkişafı üçün nə dərəcədə vacib olduğu və onları günlük pəhrizinə necə daxil etmək barədə öyrənin.
21-ci həftədə körpənizin inkişafı
Hamiləliyi 21-ci həftəsində udma və dadbilmə
Hamiləliyin 21-ci həftəsində körpənizin çəkisi ciftinizdən daha ağır, təxminən 350 qramdır.1 Vücudundakı qığırdaq sümüyə döndükcə, bədən üzvləri və oynaqları möhkəmlik və güc qazandıqca bu ərəfədən başlayaraq onun hərəkətləri daha nəzərəçarpan ola bilər.2
Bu mərhələdə körpənizin həzm sistemi bəsit şəkildə olsa da, işləməyə başlayır.3 Həzm sisteminin inkişafa kömək edən fəaliyyətlərindən biri körpəniz üçün qidalandırıcı mənbə olan amniotik mayeni udmasıdır.3 Təbiət etibarilə şirin olan amniotik maye hər gün yediyiniz qidalardan incə dadları alır2 və körpəniz getdikcə həssaslaşan dad tumurcuqları sayəsində bunları sınaqdan keçirir.4
Körpənizin udma3 və baş barmağını əmmə4 kimi bir çox fəaliyyətini ultrasəs müayinədə görmək mümkündür. Əsla görə bilməyəcəyiniz şey hamiləliyin sonrakı mərhələlərində körpənizi isti saxlamaq vəzifəsi yağın öhdəliyinə keçənə qədər onun bütün vücudunu örtən lanuqo adlı nazik tük təbəqəsidir.1
Omeqa-3 və Omeqa-6 yağları
Omeqa-3 və 6 birlikdə LCP-lər adlanan iki növ uzun zəncirli doymamış yağ turşularıdır. Omeqa-3 LCP-lərindən biri, qısa olaraq DHA kimi bilinən dokozageksaen turşusu körpənizin beyninin inkişafını dəstəkləyir.13 O, həmçinin körpənizin gözlərinin normal inkişafını dəstəkləyir5 və doğuşdan sonrakı, xüsusən də körpənizin ilk ilində görməsinin normal inkişafında iştirak edir.5
Sizin körpə bu həftə
Dünya üzrə 700.000-dən çox gələcək ana və yeni valideynlərə qoşulun.
LCP-lər – vacib araşdırma mövzusu
Mütəxəssislər son dövrlərdə LCP-lərin hamiləliyə təsirini öyrəniblər. Hamiləlik dövründə əlavə DHA qəbulunun vaxtından əvvəl doğuş riskini azaltdığı və körpənin doğuş çəkisini artırdığı təsdiq olunub.6,7
Bu səbəbdən də hamilə qadınlara öz pəhrizlərinə kifayət miqdarda Omeqa-3 yağları, xüsusən də DHA daxil etmələri tövsiyə olunur.
Hamiləlik dövründə faydalı yağların gündəlik dozası
Gözün normal inkişafı üçün hamiləlik dövründə hər gün əlavə 200 mq DHA qəbul etməyə çalışmalısınız.5 Ən yaxşı DHA mənbələri skumbriya, sardina və qızılbalıq kimi yağlı balıqlardır. Bununla belə, mütəxəssislər tərkibində ola biləcək toksinlər səbəbindən hamiləlik dövründə müəyyən balıqlara məhdudiyyət qoyulmasını tövsiyə edirlər. Əlavələrə ehtiyac olub-olmamasını ginekoloqunuz və ya terapevtinizlə müəyyənləşdirin.
Sağlam və təhlükəsiz qəbulu üçün həftədə 1-2 porsiya yağlı balıq yeməyə çalışın. Yağlı balıq yemədiyiniz halda qabıqlı çərəzlər, toxumlar, tünd yaşıl tərəvəzlər, raps yağı, tam buğda yarmalar və soya məhsulları kimi digər Omeqa-3 mənbələrini pəhrizinizə daxil edin. Orqanizminiz bu qidalardakı Omeqa-3 yağlarının bəzilərini DHA çevirə biləcəyinə görə bu prosesin o qədər də effektiv olmadığı və bu qidaların yağlı balıqların yaxşı əvəzedicisi sayılmadığı düşünülür.
Növbəti addımlar
Omeqa 3 ilə zəngin olan bu çərəzləri və əlüstü yeməkləri sınayın:
- Bir dilim tam buğda tostu üzərində skumbriya
- Buxara verilmiş yarpaqlı tərəvəzlər ilə qızardılmış qızılbalıq
- Qızılbalıq kotleti
- Bir ovuc qabıqlı çərəzlər və toxumlar
- Bir kasa tam buğda sıyığı
- NHS UK. You and your baby at 21-24 weeks pregnant [Online]. 2013. Available at: www.nhs.uk/conditions/pregnancy-and-baby/pages/pregnancy-weeks-21-22-23-24.aspx [Accessed July 2014]
- Murkoff H, Mazel S. What to Expect When You’re Expecting. 4th ed. London: Simon & Schuster Ltd, 2009. p. 231.
- Curtis, GB, Schuler, J. Your pregnancy week by week. Cambridge: Fisher books, 2011. p. 297.
- Deans A. Your New Pregnancy Bible, The experts’ guide to pregnancy and early parenthood. 4th ed. London: Carroll & Brown Publishers Limited, 2013. p. 40.
- European Union. Commission Regulation (EU) No 440/2011 of 6 May 2011 on the authorisation and refusal of authorisation of certain health claims made on foods and referring to children’s development and health. OJ L 119 2011;4-9.
- Carlson SE et al. DHA supplementation and pregnancy outcomes. Am J Clin Nutr 2013;97(4):808-15.
- Imhoff-Kunsch B et al. Effect of n-3 long-chain polyunsaturated fatty acid intake during pregnancy on maternal, infant, and child health outcomes: a systematic review. Paediatric and perinatal epidemiology 2012;26(1):91-107.
- Gandy J (ed). Manual of Dietetic Practice. 5th ed. Oxford: Wiley Blackwell. 2014. p. 759.reference text
Son baxış: 14 iyul 2016
Körpənizin gələcək sağlamlığı buradan başlayır
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
