Oxuma müddəti: 4 dəqiqə
Hamiləliyin 5 həftəsi neçənci aydır?
2-ci ay (1-ci rüb)
5-ci həftədə körpənin inkişafı
Ürək də daxil olmaqla körpənin əsas orqanları sürətlə inkişaf edir.¹
Sağlam qalmaq
Hamiləlik döründə necə aktiv həyat tərzi keçirəcəyinizi öyrənin.
5-ci həftədə körpənin inkişafı
Mənim körpəm nə boydadır? Körpəm nəyə bənzəyir?
Hamiləliyin 5-ci həftəsində köpəniz embrion adlanır, ölçüsü isə 1 mm-dən1 bir qədər artıq olur; yəni təxminən küncüt toxumu boyda. Amma onun beyni, onurğa beyni və damarları mikroskopik ölçüdə olsa da, artıq inkişaf etməyə başlayır.2 Qan dövranı sistemi də inkişaf edir və təxminən 5-ci həftənin sonunda körpənizin ürəyi vurmağa başlayır.1
Bu vaxt körpənizə qidalandırıcı maddələri çatdıracaq göbək ciyəsi formalaşmağa başlayır.2 Körpənizin rahatlığı üçün tezliklə şəffaf, solğun maye ilə dolacaq amniotik kisə də şəkil almağa başlayır.3
Sizin körpə bu həftə
Körpənizin inkişafının elmi əsasını kəşf edin; həftəbəhəftə
Hamiləliyin 5-ci həftəsi (birinci rüb)
Orqanizmimdə nə baş verir?
Bu həftə hamilə olduğunuzu əminliklə bildiyiniz vaxt ola bilər. Əgər siz menstruasiya vaxtının keçməsi, döşlərin həssaslaşması və yorğunluq kimi əlamətlərdən əmin olmasanız, 5-ci həftədə hormon səviyyəsi bu xəbərin ev şəraitində hamiləlik testi ilə təsdiqi üçün kifayət etməlidir.4
5-ci həftədə erkən hamiləlik əlamətləri5
Erkən hamiləlik əlamətləri insandan insana görə dəyişir. 5-ci həftədə hamiləliyin aşağıdakı əlamətlərindən hər hansı birini yaşaya bilərsiniz, ya da ümumiyyətlə müşahidə olunmaya bilər:
Döşləriniz böyüyə bilər və ağrı hiss edə bilərsiniz. Həmçinin döş gilələrinizin həmişəkindən daha çox çıxdığını və rənginin tündləşdiyini görə bilərsiniz, bununla vücudunuz əmizdirməyə hazırlıq dönəminə başlayır.
İlk 12 həftə ərzində baş verən hormonal dəyişikliklər səbəbindən özünüzü yorğun və əldən düşmüş hiss edə bilərsiniz.
Səhər ürəkbulanması hamiləliyin birinci rübündə ana olmağa hazırlaşanların 80%-ə təsir edir.6 Bu, günün istənilən vaxtında tuta bilər və gün ərzində yüngül ürəkbulanmadan qusmaya qədər dəyişə bilər.
Hamiləlik hormonu proqestron həzm prosesini yavaşladır və bu, köpməyə və qaz artıqlığına səbəb ola bilər.7
Yüngül sancılar və qanlı ifrazatın yaranması hamiləliyin erkən mərhələlərində geniş bilinən haldır.8,9 Əgər ağrı şiddətli olarsa (menstruasiya sancısından daha ağrılı) və ya qanaxma kəskinləşərsə, terapevtinizə müraciət edin.
Ayaqyoluna tez-tez getmək erkən hamiləlik dövründə geniş yayılan əlamətlərdəndir, belə ki, böyüyən uşaqlıq boşluğu sidik kisəsinə təzyiq göstərir.
Hamiləlik hormonları estroqen və proqesteron hamiləliyin ilk 12 həftəsində yüksəlməklə sizin emosional vəziyyətinizə təsir edir.10 Özünüzü gümrah hiss etməyiniz üçün çoxlu dincəlin və yüngül idman hərəkətləri edin.
A vitamininə diqqət
Sağlam və balanslaşdırılmış pəhriz körpənizi ehtiyac duyduğu A vitamini ilə təmin etməlidir. A vitamini çatışmazlığı riski daha çox qidalanmanın problem olduğu inkişaf etməkdə olan ölkələrdə yayılıb.
Bilməli olduğunuz vacib məqam odur ki, bu həyati əhəmiyyətli, amma güclü qidalandırıcı maddəni həddindən artıq qəbul etməyiniz gələcək körpənizin inkişafına mənfi təsir göstərə bilər.11,12
A vitaminini ehtiva edən aşağıdakı qidaların daxil olduğu balanslaşdırılmış pəhriz ən yaxşısıdır:
- Pendir
- Yüksək yağ tərkibli yoğurtlar
- Yumurta
- Zənginləşdirilmiş az yağlı yaxmalar
- Kələm və ispanaq kimi yaşıl, yarpaqlı tərəvəzlər
- Yemiş, manqo və ərik
- Kök, bibər, şirin kartof, balqabaq və boranı da daxil olmaqla narıncı və sarı tərəvəzlər
Qara ciyər, qara ciyər paşteti kimi A vitamini ilə zəngin qidalardan, hamiləlik üçün nəzərdə tutulmayan əlavələrdən uzaq durmaq lazımdır.12 Əgər multivitamin qəbul edirsinizsə, sizin və körpənizin ehtiyaclarına uyğunlaşdırılmış doğuş öncəsi multivitaminlərə keçid edin.
A VİTAMİNİNİN
ELMİ ƏSASI
Nutricia tərəfindən dəstəklənir
A vitamin hüceyrələrin, dərinin, görmə sağlamlığının, immun sisteminin və dölün böyüməsi üçün gərəklidir.13 O, iki formada mövcud olur: Heyvan mənşəli ərzaqlarda retinol kimi və parlaq rəngli meyvə və tərəvəzlərin tərkibində olan və orqanizmin A vitamininə çevirə bildiyi karotenoidlər kimi.
Hamiləlik dövründə nə qədər çəki yığmalıyam?
Hamiləlikdə dövründə çəkinin artması hamiləlikdən əvvəlki çəkinizdən asılıdır və anadan anaya görə böyük ölçüdə dəyişir. Əksər qadınların çəkisi hamiləlik dövründə 10-12,5 kq artır və bunun bir hissəsini böyüyən uşağın çəkisi təşkil edir.13
Əgər siz hələ də terapevtin qəbulunda olmamısınızsa, bunu etməyiniz lazımdır, çünki o, ilk ultrasəs müayinə də daxil olmaqla doğuş öncəsi qulluğunuzun planlaşdırılmasına start verəcək.
- Deans A. Your New Pregnancy Bible, The experts’ guide to pregnancy and early parenthood. 4th ed. London: Carroll & Brown Publishers Limited, 2013. p. 31.
- NHS. You and your baby at 0-8 weeks pregnant [Online]. Available at: www.nhs.uk/conditions/pregnancy-and-baby/pages/pregnancy-weeks-4-5-6-7-8.aspx Page last reviewed: 17 July 2018. Next review due: 17 July 2021.
- NHS. What is the amniotic sac? [Online]. Available at: www.nhs.uk/chq/pages/2310.aspx Page last reviewed: 26 September 2018. Next review due: 26 September 2021.
- NHS. Doing a pregnancy test [Online]. Available at: www.nhs.uk/Conditions/pregnancy-and-baby/pages/pregnancy-test.aspx Page last reviewed: 1 October 2018. Next review due: 1 October 2021.
- NHS. Signs and symptoms of pregnancy [Online]. Available at: https://www.nhs.uk/conditions/pregnancy-and-baby/signs-and-symptoms-pregnancy/ Page last reviewed: 6 October 2018. Next review due: 6 October 2021.
- Noel M. Lee, M.D., Gastroenterology Fellow and Sumona Saha, M.D., Assistant Professor of Medicine. Nausea and Vomiting of Pregnancy. 2011. Pub 2013. [Online] Available at: https://www.ncbi.nlm.nih.gov/pmc/articles/PMC3676933/
- NHS Start 4 Life. 1st trimester, week 10 [Online]. Available at: https://www.nhs.uk/start4life/pregnancy/week-by-week/1st-trimester/week-ten/
- NHS. Vaginal bleeding in pregnancy [Online]. Available at: https://www.nhs.uk/conditions/pregnancy-and-baby/vaginal-bleeding-pregnant/ Page last reviewed: 26 January 2018. Next review due: 26 January 2021.
- NHS. Stomach pain in pregnancy [Online]. Available at: https://www.nhs.uk/conditions/pregnancy-and-baby/stomach-pain-abdominal-cramp-pregnant/ Page last reviewed: 1 May 2018. Next review due: 1 May 2021.
- Claudio N. Soares and Brook Zitek. Reproductive hormone sensitivity and risk for depression across the female life cycle: A continuum of vulnerability? 2008. [Online] Available at: https://www.ncbi.nlm.nih.gov/pmc/articles/PMC2440795/
- Department of Health. Report on Health and Social Subjects 41. Dietary Reference Values for Food Energy and Nutrients for the United Kingdom. London: TSO, 1991.
- NHS UK. Foods to avoid in pregnancy [Online]. Available at: www.nhs.uk/conditions/pregnancy-and-baby/pages/foods-to-avoid-pregnant.aspx [Page last reviewed: 23 January 2020.
- NHS UK [Online]. Available at: https://www.nhs.uk/pregnancy/keeping-well/vitamins-supplements-and-nutrition/
- NHS choices. How much weight will I put on during my pregnancy? [Online]. Available at: https://www.nhs.uk/chq/Pages/2311.aspx?CategoryID=54 Page last reviewed: 18 October 2018. Next review due: 18 October 2021.
Son baxış: 23 oktyabr 2019
Körpənizin gələcək sağlamlığı buradan başlayır
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
