Hazırlıq müddəti: 10 dəqiqə. Bişmə müddəti: 30 dəqiqə. Sayı: 15 top (təxminən)
Xurma, badam yağı və kakao ilə doldurulmuş bu çiy toplar sağlam ləzzətlərdir. Moruq C vitamini və fol turşusu, xurma, qabıqlı çərəzlər və yulaf yarması isə lifli maddələr təklif edir.
Bu yemək: Tərkibində süd yoxdur • veqan • vegetarian • proteinlə təmin edir • maqnezium • fosfor • kalium
Hər porsiyanın tərkibi:
| Qida dəyəri | Miqdarı | Qidalandırıcı qəbulu norması (%) |
|---|---|---|
| Enerji | 53 kkal | 3% |
| Yağ | 2.3 q | 3% |
| Doymuş yağ | 0.3 q | 2% |
| Şəkər | 4.9 q | 5% |
| Duz | 0.03 q | 1% |
Dietoloq tövsiyəsi
Arzuladığınız bəzi qidalar sizə yaxşı təsir edə bilər, amma bacardıqca daha çox qidalandırıcı çərəzləri yeməyə çalışın
İnqrediyentlər
- Dənəsi çıxarılmış 100 q xurma
- 2 yemək qaşığı yulaf yarması
- 2 yemək qaşığı badam yağı (duz və ya şəkər əlavə edilməmiş)
- 3 yemək qaşığı incə doğranmış badam
- 2 çay qaşığı kakao unu
- 50 q təzə moruq (təxminən 10-12 ədəd)
Reseptin tərkibindəki allergenlər: qlüten (yulaf), badam və sulfit. Qida dəyəri barədə bütün məlumatlar 100 qrama əsaslanır, amma diqqət edin ki, bu, tövsiyə edilən porsiya miqdarı deyil.
Qidalandırıcılıq baxımından faydaları
* Xurma: Sizdəki hormonal dəyişiklər səbəbindən yaranan qəbizliyin qarşısını almağa kömək edən lifli maddələri təmin edir1
* Yulaf: Tərkibindəki dəmir hamiləlikdə körpənizin lazımi miqdarda oksigen və qidalandırıcılar almasına kömək edir2
* Badam: Tərkibində E vitamini var. Hamiləlik dövründə kifayət qədər E vitamini qəbul etmək körpənizin həyatının sonrakı illərində onun astma və respirator xəstəliklərə yoluxma ehtimalını azaldır3,4
* Moruq: Tərkibindəki C vitamini hüceyrələrinizi qorumağa və onların sağlam qalmasına kömək edir5
Hazırlanma qaydası
- Soba məcməyisinə perqament kağızı yerləşdirin və bir kənara qoyun.
- Xurmaları ortadan bölün, blenderə atın və incə doğrayın.
- Yulaf yarmasını, iki yemək qaşığı doğranmış badamı, badam yağını və kakaonu blendərə əlavə edin, yapışqan qarışıq alınana qədər qarışdırın.
- Moruqları əlavə edin və birlikdə qarışdırın.
- Əllərinizi su ilə isladın, həmin qarışıqdan bir qədər götürüb kiçik top forması alana qədər ovcunuzda yumrulayın. Topları soba məcməyisinə düzün, bir-birlərinə yapışmamasına diqqət edin və qalan bir yemək qaşığı doğranmış badamı üzərinə səpin.
- Soyuducuya qoyun və 30 dəqiqə saxlayın.
- NHS. Your pregnancy and baby guide [Online] 2018 Available at: https://www.nhs.uk/conditions/pregnancy-and-baby/common-pregnancy-problems/#constipation [Accessed June 2018].
- British Nutrition Foundation. Nutrition and supplements during pregnancy [Online]. 2015. Available at: https://www.nutrition.org.uk/[Accessed July 2018].
- Turner SW et al. Associations between fetal size, maternal α-tocopherol and childhood asthma. Thorax 2010;65(5):391-7.
- Devereux G et al. Low maternal vitamin E intake during pregnancy is associated with asthma in 5-year-old children. Am J Resp Crit Care Med 2006;174(5):499-507.
- NHS. Vitamin C in pregnancy [Online] 2017 Available at: https://www.nhs.uk/conditions/pregnancy-and-baby/vitamins-minerals-supplements-pregnant/#vitamin-c-in-pregnancy[Accessed July 2018].
Son baxış: 7 sentyabr 2018
Körpənizin gələcək sağlamlığı buradan başlayır
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
