Oxuma müddəti: 4 dəqiqə
Hamiləliyin 15 həftəsi neçənci aydır?
4-cü ay (2-ci rüb)
15-ci həftədə körpənin inkişafı
Körpənizin qaşları və kirpikləri böyüməyə başlayır.
15-ci həftədə körpənin inkişafı
Mənim körpəm nə boydadır? Körpəm nəyə bənzəyir?
Körpəniz indi alma boydadır, boyu təxminən 10,1 sm, çəkisi isə 70 qramdır. Lanuqo ilə (körpənizin isti qalması üçün bədənini örtən nazik tük örtüyü) birlikdə qaşları və kirpikləri də böyüməyə başlayır. Gözləri bağlı qalsa da, işığa qarşı həssasdırlar. Bunlarla birlikdə körpəniz artıq eşitməyə də başlayır.1
Körpəniz bədəninizdə ürək döyünməsi, sizin səsiniz və həzm sisteminin səslərini eşidə bilir. Həmçinin çöldən boğuq səsləri də tuta bilər,2 amma hələ onlara reaksiya verə bilmir.3
Sizin körpə bu həftə
Dünya üzrə 700.000-dən çox gələcək ana və yeni valideynlərə qoşulun.
Hamiləliyin 15-ci həftəsi (ikinci rüb)
Orqanizmdə dəyişikliklər
Hamilə olduğunuz görünməyə başlayır
Bəzilərinin gözünü sizin qarnınıza zillədiyini müşahidə edə bilərsiniz. Körpəniz sürətlə böyüyür, uşaqlıq boşluğunuz da amniotik maye və cift ilə dolur. Ora daralmağa başlayır, odur ki, ara-sıra böyrünüzdə sancı hiss etsəniz, narahat olmayın.1
Qaşınan dəri
Hormonlarınız dərinizi qaşındıra bilər. Qoxusuz nəmləndirici vasitələr, eyni zamanda duş qəbul etmək kömək edər. Əgər bu, xüsusən gecələr sizi narahat etməyə başlayarsa, həkiminizə və ya ginekoloqunuza müraciət edir, çünki bu, az ehtimal edilsə də, obstetrik xolestasis adlanan qara ciyər narahatlığı səbəbindən də ola bilər.1
İnfeksiyadan ehtiyatlı olun
Çanaq bölgəsində daha çox miqdarda qanın olması ilə vaginanı təmiz və infeksiyalardan uzaq saxlamaq üçün orqanizminiz leykoreya adlanan süd rəngində maye hazırlayır. Bəzən bu, şəffaf, ağ və ya bej rəngli vaginal axıntı kimi görünə bilər. Əgər rəngi tündləşərsə və ya tərkibi dəyişərsə, həkiminizə və ya ginekoloqunuza mürəciət edin.1
15-ci həftədə hamiləlik əlamətləri
Qadınların çoxu hamiləliyin xoş olmayan təsirlərini artıq başa vururlar, amma bəziləri aşağıdakılara bənzər halları hələ də hiss edə bilərlər:
- Köpmə və qəbizlik
- Mədə pozğunluğu və qıcqırma
- Səhər ürəkbulanması
- İstilik basması
- Baş ağrısı və ya başgicəllənmə
- Əl və ayaqların şişməsi1
Maye ehtiyatı
Hamilə olarkən susuz qalmamaq çox vacibdir. Kifayət miqdarda su içmək sizin sağlamlığınız və körpənizin inkişafı üçün çox önəmlidir. Süd, meyvə şirələri və hətta şorbalar da bura daxildir. Çay və qəhvə də hesab oluna bilər, amma mütləq kofein qəbulu limitinə diqqət edin. Hamilə olarkən gündə 200 mq-dan çox kofein qəbul etmək olmaz. 200 mq kofein bərabərdir:
- 2 fincan çay və 1 banka kola
- 1 fincan tez hazır olan qəhvə və 1 banka (250 ml) energetik içki
Bundan başqa şokolad (adətən az miqdarda), bəzi dərmanlar və alkoqolsuz içkilər4 daxil olmaqla müəyyən məhsullarda da kofeinin ola biləcəyinə diqqət edin.
SUYUN
ELMİ ƏSASI
Nutricia tərəfindən dəstəklənir
İnsan bədəninin təxminən 60%-i sudur və gündə iki litr su itiririk. Su bizim mürəkkəb sistemimizin qaydasında işləməyinə, qidalandırıcı maddələri hopdurmağımıza və toksinləri xaric etməyimizə kömək edir.5 Hamiləlik dövründə orqanizminizin artan tələbləri susuzlaşmadan qaçmaq üçün suya həmişəkindən daha çox ehtiyac yaradır.6
Avropa Qida Təhlükəsizliyi Təşkilatı qadınlara gündəlik olaraq təxminən 2 litr, hamilə qadınlara isə əlavə 300 ml su içməyi tövsiyə edir.7 Bu, hər gün təxminən 9-10 250 ml-lik içki deməkdir. Qazlı və yüksək şəkər tərkibli içkilərdən uzaq durmağa çalışın. Qidalandırıcı dəyəri az olduğu üçün daha sağlam alternativ axtarmaq ən yaxşısıdır.6 Meyvə şirəsində yüksək miqdarda şəkər ola bilər, amma əgər bu, sırf meyvədən ibarətdirsə, 150 ml meyvə şirəsi günlük meyvə-tərəvəz ehtiyacının beşdə biri sayıla bilər.8
Hamiləlik dövründə uzaq durulmalı qidalar
Ayrı-ayrı həftələr ərzində uzaq durulmalı xüsusi bir şey yoxdur, amma hamiləlik dövründə aşağıdakılarından uzaq qaçmaq yaxşıdır:
Çiy və tam bişməmiş ət
Pasterizə edilməmiş süd və süd məhsulları
Qara ciyər və A vitamini ilə zəngin qidaların həddən artıq qəbulu
Hamiləlik dövründə nə qədər çəki yığmalıyam?
Hamiləlikdə dövründə çəkinin artması hamiləlikdən əvvəlki çəkinizdən asılıdır və anadan anaya görə böyük ölçüdə dəyişir. Əksər qadınların çəkisi hamiləlik dövründə 10-12,5 kq artır və bunun bir hissəsini böyüyən uşağın çəkisi təşkil edir.13
- NHS Start 4 Life. 2nd trimester, week 15 [Online]. Available at: https://www.nhs.uk/start4life/pregnancy/week-by-week/2nd-trimester/week-15/#anchor-tabs [Accessed October 2019].
- NHS. You and your baby at 15 weeks pregnant [Online]. Available at: https://www.nhs.uk/conditions/pregnancy-and-baby/15-weeks-pregnant/. Page last reviewed: 17 July 2018. Next review due: 17 July 2021.
- Deans A. Your New Pregnancy Bible, The experts’ guide to pregnancy and early parenthood. 4th ed. London: Carroll & Brown Publishers Limited, 2013.
- NHS. Should I limit caffeine during pregnancy? [Online]. Available at: https://www.nhs.uk/common-health-questions/pregnancy/should-i-limit-caffeine-during-pregnancy/ Page last reviewed: 2 May 2018. Next review due: 2 May 2021.
- NHS. Dehydration [Online]. Available at: https://www.nhs.uk/conditions/dehydration/ Page last reviewed: 9 August 2019. Next review due: 9 August 2022.
- NHS. Water, drinks and your health [Online]. Available at: www.nhs.uk/Livewell/Goodfood/Pages/water-drinks.aspx Page last reviewed: 14 June 2018. Next review due: 14 June 2021.
- European Food Safety Authority. Scientific Opinion on Dietary Reference Values for water. EFSA Journal 2010;8(3)1459:48.
- NHS. 5 A Day FAQs [Online]. Available at: https://www.nhs.uk/live-well/eat-well/5-a-day-faqs/ Page last reviewed: 16 October 2018. Next review due: 16 October 2021.
- NHS choices. How much weight will I put on during my pregnancy? [Online]. Available at: https://www.nhs.uk/chq/Pages/2311.aspx?CategoryID=54 Page last reviewed: 18 October 2018. Next review due: 18 October 2021.
Son baxış: 23 dekabr 2019
Körpənizin gələcək sağlamlığı buradan başlayır
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
