6 oylik paytida farzandingizning rivojlanishi va ovqatlantirish bo’yicha tavsiyalar

6 oylik chaqalog‘ingiz rivojlanishidagi muhim bosqichga ana-mana yetishadi — u qattiq ovqatni birinchi marta tatib ko‘radi. Agar hozir chaqalog‘ingiz ko‘krak sutidan oziqlansa, unda bu bosqich uni yanada mustaqil qiladi, chunki endi u ovqatlanishda sizga kamroq bog‘liq bo‘lishni boshlaydi. Shu bilan birga, bola taomnomasiga qattiq yeguliklarni keyingi bir necha hafta yoki oylar davomida asta-sekinlik bilan kiritish kerak, ko‘krak suti esa, oldingiday, bola oziqlanishining muhim qismi bo‘lib qolaveradi.

Hayotining 6-oyida, bir vaqtning o‘zida, farzandingizni ko‘krak sutidan ajratish va tug‘ilganida tanasida bo‘lgan, tabiiy temir zahiralari tugashi sodir bo‘ladi. Shuning uchun, bolani ko‘krakdan ayirishda, uning taomnomasida temirga boy mahsulotlar bo‘lishi va oldingidek, sutni ham o‘z ichiga olishi muhimdir.

Ko‘pgina chaqaloqlar hayotlarining 6-oyida o‘tirish qobiliyatini qattiq mashq qilishadi. Ilgari — 4-5 oyligida bola egilib o‘tirar va tez-tez ag‘darilib ketar edi¹.

Bola o‘tirayotganda muvozanat uchun qo‘llarini ishlata boshlaganda, unga ushbu qobiliyatni egallash osonroq bo‘ladi. Orqa mushaklari yetarlicha kuchli bo‘lgandan so‘ng — odatda, chaqaloq 6 oylik bo‘lganida — bola tirgak sifatida qo‘lchalariga kamroq suyanadi va mustaqil holda, tik o‘tira boshlaydi¹.

Temir miqdorining oshirish

Temir chaqaloq hayotining 6-oyida miya rivojlanishi uchun, ayniqsa,  muhimdir. U asab tizimining ishiga ta’sir qiladi, asab hujayralariga ma’lumot uzatishda va chaqaloqning miyasidagi jarayonlarning rivojlanishida yordam beradi².

Farzandingiz yetarli darajada temir iste’mol qilishini ta’minlash uchun, uning taomnomasiga yog‘siz qizil go‘sht, tovuq go‘shti, tuxum, no‘xat, loviya, yasmiq va bargli yashil sabzavotlar kabi mahsulotlardan tayyorlangan pyurelarni qo‘shib ko‘ring. Kichkintoyingiz yanada murakkabroq tuzilishga ega mahsulorlarga tayyor bo‘lgach, uning taomnomasidagi temir moddasi manbalari qatoriga yog‘li baliqlarni, shu jumladan losos’ va sardinani va turshak kabi quritilgan mevalarni qaynatilgan holatda qo‘shishingiz mumkin.

Temir yaxshiroq o‘zlashishi uchun bola taomnomasiga tarkibida C vitamini ko‘p bo‘lgan mahsulotlarni kiriting: qizil yoki yashil qalampir, kivi, banan, apelsin va qulupnay.Agar chaqalog‘ingiz sutli aralashmadan oziqlanadigan bo‘lsa, buni davom ettirish ham foydali bo‘lishi mumkin. Ko‘krakdan ajratganda tutiladigan parhezni qo‘llab-quvvatlash uchun maxsus ishlab chiqilgan, bolalar uchun sut, shuningdek temir bilan boyitilgan, bola hayotining keyingi bosqichiga mo‘ljallangan bolalar uchun aralashmalar ham tavsiya qilinadi.

Sog‘liq uchun foydali odatlar bu yerda shakllanadi³

Ko‘krakdan ajratayotganda, chaqalog‘ingiz o‘zining yangi taomnomasi doirasida ko‘proq turli-tuman ozuqa moddalarini oladi, shu bilan birga uning ishtahasi va yangi mahsulotlarga bo‘lgan qiziqishi o‘sa boshlaydi.

Unga yangi ta’mlar va mahsulot turlarini taklif qilishdan qo‘rqmang — bu sutdan ajratish jarayonini ikkalangiz uchun ham qiziqarli va zavqli qilishi mumkin. Shuningdek, siz farzandingizning ba’zi mahsulotlarni afzal ko‘rishidan hayratda qolishingiz mumkin. Yangi ta’mni qabul qilishdan oldin, bolakay uni 10 martagacha tatib ko‘rishi mumkinligini unutmang. Shuning uchun, agar chaqaloq u yoki bu mahsulotni yoqtirmasligini ko‘rsatsa, darrov taslim bo‘lmang. Uni chaqalog‘ingizga bir necha marta taklif qilib ko‘ring — ehtimol, bu yegulik, uning taomnomasidagi, hatto, eng sevimlisiga aylanadi.

So‘nggi marta: 2014-yil 13-avgustda yangilangan