Homiladorlik davrida rux moddasi

Rux, ko‘plab oziq-ovqat mahsulotlari tarkibida mavjud bo‘lgan mineral, homiladorlik paytida bolaning hujayralari va DNKsini shakllantirishda muhim rol o‘ynaydi.

U hujayralarning bo‘linishi, to‘qimalarning o‘sishi va chaqalog‘ingizning normal rivojlanishini ta’minlash uchun juda muhim sanaladi. Homiladorlik — farzandingiz bitta hujayradan trillionlab hujayradan iborat kichik odamchaga aylanadigan vaqt   bo‘lganligi sababli,yaxshi muvozanatlashtirilgan parhezning bir qismi sifatida ruxni sog‘lom iste’mol qilish hal qiluvchi rolga ega.

Rux o‘zining immun tizimi uchun foydasi bilan ham mashhur: u infeksiyalardan himoya qilishga va yaralarning bitishiga ko‘maklashadi, shuningdek, boshqa hayot uchun muhim oziq moddalar almashinuviga yordam beradi.

Homiladorlik paytida ruxni yetarli miqdorda iste’mol qilish nafaqat chaqalog‘ingizning sog‘lom o‘sishiga ta’sir qiladi.

U, shuningdek, miyaning normal ishlashi uchun muhimdir va chaqaloqning kelajakda o‘rganishi va rivojlanishiga ko‘maklashadi. Rux yana kuchli immunitet tizimini shakllantirishga va antitanachalarning sog‘lom miqdorini saqlashga yordam beradi.

Rasioningizda ruxning kerakli miqdorda bo‘lishi, ayniqsa, immun tizimi tabiiy ravishda bosim ostida bo‘lganda, infeksiyalarga qarshi himoyasiz bo‘lib qoladigan paytingiz —homiladorlik paytida juda muhim hisoblanadi. Rux — bu immunitetni qo‘shimcha ravishda  ta’minlaydigan ozuqaviy moddalardan biridir, shuning uchun u o‘zingiz uchun ham, bo‘lg‘usi farzandingiz uchun ham muhimdir.

Homiladorlikning boshidan oxirigacha ruxni sog‘lom iste’mol qilishni saqlab qolish ham erta tug‘ilish xavfini kamaytiradi.

Farzandingizning rivojlanishida shunday muhim rol o‘ynashiga qaramay, rux uchun sutkalik iste’mol miqdori kuniga 7 mg.ni tashkil qiladi, bu homilador bo‘lmagan ayollar bilan bir xil miqdorni anglatadi. Shu bilan birga, emizish davrida sizning rux moddasiga bo‘lgan ehtiyojingiz sezilarli darajada oshadi — kuniga 13 mg.gacha. Farzandingiz 4 oylikni to‘ldirgan paytda, ehtiyojingiz 9,5 mg.ga tushadi. Ushbu miqdor ko‘plab oziq-ovqat mahsulotlarida uchraydi va uni yaxshi muvozanatlashtirilgan parhezdan olishingiz lozim.

G‘aroyib, ammo bitta ustritsa (yesa bo‘ladigan dengiz mollyuskasi) sizning ruxga bo‘lgan kundalik ehtiyojingizdan ko‘proq miqdorda, ushbu vitaminni o‘z ichiga oladi. Biroq xom ustritsalar —ovqatdan zaharlanish xavfi mavjudligi tufayli, homiladorlik paytida tiyilish lozim bo‘lgan mahsulotlardan biri hisoblanadi.

Buning o‘rniga, tanangizni rux iste’moli bilan ta’minlash uchun, quyidagi mahsulotlarni iste’mol qilishga harakat qiling:

Yaxshi pishirilgan ustritsalar va mollyuskalar.

• Mol go‘shti, shuningdek parranda va kurka go‘shti kabi qizil go‘sht.

• Suli yormasi.

• Yong‘oq, dukkaklilar va soya.

• Sut mahsulotlari va tuxum.

Boshoqli donlardan yopilgan nonlar, boyitilgan boshoqlilar va makkajo‘xori tarkibida ham rux mavjud, ammo ularning tarkibida mavjud bo‘lgan fitatlar ruxning boshqa oziq-ovqat mahsulotlaridan o‘zlashishiga xalaqit berishi mumkin. Boshqa manbalardan maksimal miqdorda ushbu vitaminni iste’mol qilish uchun, ushbu mahsulotlarni bir vaqtning o‘zida muntazam ravishda iste’mol qilmang.