Uşağın inkişafı: 24-36-cı aylar

Uşağınızın inkişafı: 24-36-cı aylar

Uşağınızın inkişafı ikinci və üçüncü doğum günləri arasında sürətli fazasını davam etdirəcək. Fiziki olaraq daha bacarıqlı və əmin olmağa başlayarkən özü, onu əhatə edən dünya və digərləri ilə ünsiyyət barədə də daha çox öyrənir.

Uşağınız iki yaşına çatanda çox güman ki, onun solaxay, yoxsa sağaxay olduğunu biləcəksiniz. Onun seçimləri sizin bətninizdə olarkən qərarlaşdırılıb, amma uşaqlar də körpələr kimi adətən hər iki əlini istifadə etdiyi üçün bunu müəyyənləşdirmək bir qədər vaxt ala bilər. Solaxaylıq nisbətən nadir görünən haldır və insanların 7-10%-i solaxaydır.

Uşağınız hansı əlinə üstünlük verirsə, adətən cızma-qara edərkən, topa zərbə vurmaq və yemək yemək üçün həmin tərəfi hökmranlıq edir. O hətta bir qədər köməklə də olsa, dişlərini də üstünlük verdiyi əli ilə fırçalaya bilər.

Təxminən 2-3 yaşları arasında uşağınızı güvəcdən istifadə etmək üçün bacarıqlarının və sidik kisəsi üzərində nəzarətinin inkişaf etdiyini görə bilərsiniz. Əgər bezini islatdığı və ya batırdığını sizə bildirirsə və ayaq yoluna maraq göstərməyə başlayırsa, bunu sınaya bilərsiniz.

24-36-cı aylar arasında uşağınızın fasiləsiz inkişafı qidalandırıcıların müntəzəm qəbulunu tələb edir. Bu mərhələ üçün dəmir və D vitamini çox əhəmiyyətlidir.

Dəmir oksigenin vücud boyunca daşınmasını və uşağınızın beyninin inkişafını dəstəkləyir. Dəmir ət, yağlı balıq və yumurtanın tərkibində, həmçinin lobya və tünd yaşıl yarpaqlı tərəvəzlər kimi bitki əsaslı mənbələrdə mövcuddur.

3 yaşdan balaca uşaqların yarısından çoxu tövsiyə edilən gündəlik miqdarı almır, buna görə də hər valideynin bu vacib qidalandırıcının əhəmiyyəti barədə məlumatlı olması lazımdır. Uşağınız meyil etməsə belə, onu hər gün dəmirlə zəngin ən azı bir qida yeməyə təşviq edin. Siz ona zapekanka, buğa verilmiş və ya çox nazik dilimlənmiş ət kimi dəmirlə zəngin və yeyilməsi asan yeməklər təklif edə bilərsiniz. C vitamini dəmirin sorulmasına kömək edir, odur ki, bu yeməklərlə birlikdə təqdim edilən tərəvəzlər və ya desert olan meyvə onun qəbulunu yüksəldəcək.

Əgər həvsələndirmək üçün etdiyiniz cəhdlərə baxmayaraq uşağınız dəmirlə zəngin qidaları yeməkdən imtina edirsə, dəmirlə zənginləşdirilmiş böyümə südündən istifadə onun ehtiyacını qarşılamağın asan yolu ola bilər.

D vitamini sümüklərin sağlam inkişafı üçün əhəmiyyətlidir; 2 yaşlı uşağınızın sümüklərinin böyüməsi üçün vacib olan kalsium və fosforun orqanizm tərəfindən sorulmasına kömək edir. Dərinin məruz qaldığı günəş şüaları hesabına orqanizmdə D vitamini yaranır.

Uşağınız 24-36 ay arasında emosional inkişafın vacib mərhələsində olur. Hisslər barədə məlumatlı olur və digərlərinin hisslərinə qarşı empati qurmağa başlayır.

Bəzən onun emosiyaları çox yüksək ola və onu qorxuda bilər. Hərdənbir isə idarə edə və ya ötürə biləcəyindən daha çox emosiya yaşaya bilər və bu, isterikaya, hətta dişləməyə və ya vurmaya gətirib çıxarar. Bu, hansısa məqamda uşaqların böyük əksəriyyəti ilə baş verir və belə vəziyyətdən çıxış yolu sakit qalmaqdır. Həddən artıq reaksiya göstərmək uşaqların özlərini narahat hiss etməsinə səbəb olur, odur ki, şiddətli qəzəbdən qaçın: emosiyalarınızı izah etməyiniz özünüzü sakitləşdirməyiniz və bu vəziyyətə məntiqli don geyindirmək üçün yaxşı yol ola bilər.

Uşağınıza emosiyalarına ad verməyi və qəzəb, kədər və ya məyusluq hissinin normal olduğunu öyrətməklə bunun öhdəsindən gəlməsinə kömək edə bilərsiniz. Sizin də bənzər hissləri yaşadığınız barədə uşağınızla səmimi olmağınız onun hər kəsin emosiyalarının olduğunu öyrənməsinə kömək edər.

Müəyyən vaxtlarda uşaqların inkişafında geriləmə ola bilər. Bu, keçdikləri inkişafın həcminin həddən artıq olmasının əlaməti və ya məsələn, yeni qardaşı və ya bacısının dünyaya gəlməsi kimi dəyişikliyə reaksiyası ilə bağlı ola bilər.

Uşağın normal reqressiyasına çox danışan uşağın hər şeyi barmağı ilə göstərməsi və ağlaması, gəzə bilən uşağın hər yerə qucaqda getmək istəməsi və güvəcdən istifadə edə bilən uşağın birdən-birdən daha çox bəxtsiz anlar yaşaması halları daxildir. Narahat olmayın; bu geriləmələr müvəqqətidir və uşağınız tezliklə yenidən öz axınına düşəcək.

Reqresiyaya reaksiya verməyin ən yaxşı yolu uşağınız hisslərini başa düşməyinizdir. Onun narahatlıqlarının və ya davranışındakı dəyişikliklərin səbəbini tapmaq üçün suallar verin. Birlikdə vaxt keçirməyiniz yəqin ki, uşağınızın həmişəki halını hiss etməsi üçün ehtiyac duyduğu əlavə rahatlığı təmin edər.

Son baxış: 26 avqust 2014