Orqanizmdəki hər bir hüceyrəni dəsətəkləyən vacib rola malik olan protein sağlam hamiləlik pəhrizinin bir hissəsi olaraq sizin və sizin körpəniz üçün əhəmiyyətlidir. Hamilə olarkən nə qədər proteinə ehtiyacınız olduğu və faydalı protein mənbələri barədə öyrənin.
Hamiləlik dövründə proteinin rolu nədir?
Proteinlər orqanizmin hər bir hüceyrəsində mövcuddur, dəri, əzələlər, saçlar, dırnaqlar və digər toxumaları formalaşdırır. Hüceyrələrin strukturlaşmasını təmin edir və onların düzgün funksiyasına kömək edir, bundan əlavə hüceyrələrin özlərini bərpa etməsində iştirak edir.1
Protein hamiləlik dövründə vacib rola malikdir, çünki körpənizin normal böyüməsinə kömək edərkən, eyni zamanda inkişafının aşağıdakı digər əhəmiyyətli tərəflərinə də töhfə verir:2
- Yeni və zərər görmüş toxumaların böyüməsi və bərpası.
- İmmun sistemi üçün anticisimlərin hazırlanması.
- Hormon və enzimlərin əmələ gəlməsi.
- Əzələlərin düzgün fəaliyyətinə kömək etmək.
- Qan vasitəsilə oksigenin ötürülməsi.
Tövsiyə edilən protein qəbul etmək də sağlam doğuş çəkisinin olmasına kömək edir. Sağlam doğuş çəkisində doğulmuş körpədə diabetin yaranması və ya həyatının sonrakı mərhələrində artıq çəkinin olması ehtimalı azdır.3
Hamiləlik dövründə proteinin rolu, körpənizin hüceyrələrinin başlanğıcdan etibarən yaxşı fəaliyyətini təmin edir. Gələcəkdəki bütün böyümə və inkişaf körpəlik, uşaqlıq və sonrakı dövrlərdə qurulacaq güclü bir təmələ sahibdir.
Hamiləlikdə nə qədər proteinə ehtiyac var?
Körpənizin böyüməsini dəstəkləməklə vücudunuzda baş verən müxtəlif dəyişikliklərə kömək etmək üçün hamiləlik dövründə bir qədər daha yüksək protein almağınıza ehtiyac var.
Gündəlik olaraq qidalandırıcı qəbulu norması böyüklər üçün çəkinin hər kq-a görə 0,75 q, hamilə qadınlar üçün isə bundan 6 q çoxdur.4
Beləliklə, 60 kq çəkiyə malik qadın üçün: gündə 60 x 0.75 q/d = 45 q protein, hamilə olarkən isə 61 q protein.4
Təcrübədən çıxmış faydalı qayda hər yeməyə bir qədər protein əlavə etməkdir, bununla da gündə 2-3 porsiya qəbul etmiş olursunuz.5 Bir porsiya adətən ovucunuzun ölçüsünə bərabər olur.
Hamiləlik üçün faydalı protein qidaları:
Vacib olan təkcə proteinin miqdarı deyil. Çeşidli protein mənbələri yemək də əhəmiyyətlidir, çünki fərqli proteinlər fərqli amino turşularını təmin edir.5 Ceşidli protein mənbələrini yemək həmçinin fərqli vitamin və mineralları da təmin edəcək. Hamiləlik üçün nəzərdə tutulan vitamin və vitamin əlavələri barədə oxuyun..
Protein mənbələrinə daxildir:5
Tərkibində doymuş yağlar daha az olduğu üçün yağsız ət parçası və ya ev quşu ətini seçin, məsələn, toyuğun dərisiz döş əti.
Yüksək səviyyədə beyin inkişaf etdirici yağ turşularına malik sardina və qızılbalıq kimi yağlı balıqlar xüsusilə zəngin mənbə hesab olunur. Həftədə iki porsiyadan artıq yeməməyə çalışın, çünki bəzi balıqların tərkibində civə ola bilər.5
Hamiləlik dövründə yumurta yeməklə bağlı xoş xəbərlər var. Yumurta mükəmməl protein mənbəyidir və hamilə qadınlar üzərində kodu olduğu halda yumurtanı çiy halda da yeyə bilərlər.6
Pendir və süd məhsulları faydalı protein mənbəyi olmaqdan əlavə kalsium, fosfor və D vitamini kimi vacib qidalandırıcılara malikdir.6 Bununla belə, bəzi pendirlərin tərkibində hamiləlik dövründə zərərli ola biləcək bakteriyalar ola bilər.
Bitki mənşəli faydalı protein mənbələri arasında qırmızı mərci, noxud, lobya, paxla və tofu var.1
Sağlam proteinin əlavə qəbulu üçün salatlara, smuzilərə və səhər yeməyi sıyığına qoz, fındıq və badam əlavə edin.
Bu qidalar adətən adi pəhrizdə yeyilir, buna görə də vegetarian və ya veqan deyilsinizsə, artan ehtiyacınızı qarşılamaq üçün çox güman ki, xüsusi uyğunlaşmaya ehtiyac olmayacaq. Heyvan mənşəli məhsullardan uzaq durmağı seçən şəxslər müxtəlif meyvə və tərəvəzləri yeyərək vacib amino turşularının əksəriyyətini əldə edə bilərlər. Hamiləlik superqidaları barədə daha ətraflı oxuyun.
Hamilə qadınlar üçün sağlam proteinli əlüstü qidalar
Orqanizmdəki hər bir hüceyrə üçün vacib dəstəkləyici rola malik olan protein sizin və sizin körpəniz üçün əhəmiyyətlidir.
İnsanların əksəriyyəti öz qidalanmalarından kifayət edəcək qədər proteini ala bilir. Amma yemək yeməkdə çətinlik çəkirsinizsə, aşağıdakı sağlam əlüstü qidalar gün boyu protein almağınızı artıra bilər:6
- Salat ilə sürtgəcdən keçirilmiş pendir, yağsız vetçina, tunes püresi, qızılbalıq və ya sardinalı sendviç və ya pita çörəyi.
- Kök, xiyar və kərəviz ilə hummus.
- Tərəvəzli lobya şorbası.
- Tost üzərində bişmiş paxla və ya sobada bişmiş balaca kartof.
- Az yağlı, az şəkərli, meyvəli yoğurt, qatıq və ya meyvəli kəsmik.
- British Nutrition Foundation. Protein [Online]. 2012. Available at: www.nutrition.org [Accessed February 2020]
- Wu G. Maternal nutrition and fetal development. The Journal of Nutr 2004; 134(9)2169-2172.
- British Nutrition Foundation. Nutrition requirements [Online]. 2015. Availableat: https://www.nutrition.org.uk/attachments/article/234/Nutrition%20Requirements_Revised%20Oct%202016.pdf [Accessed February 2020]
- British Nutrition Foundation. Protein [Online]. 2012. Available at: https://www.nutrition.org.uk/nutritionscience/nutrients-food-and-ingredients/protein.html [Accessed February 2020]
- NHS. Fish and shellfish [Online]. 2018. Available at: www.nhs.uk/Livewell/Goodfood/Pages/fish-shellfish.aspx [Accessed February 2020]
- NHS. Healthy Pregnancy Diet [Online]. 2017. Available at: https://www.nhs.uk/conditions/pregnancy-and-baby/healthy-pregnancy-diet/ [Accessed February 2020]
Son baxış: 29 may 2020
Nutricia-nın Tibbi və Elmi İşlər Komandası tərəfindən nəzərdən keçirilib
Körpənizin gələcək sağlamlığı buradan başlayır
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
