Homiladorlik davrida oqsilning ahamiyati

Oqsil og‘lom homiladorlik parhezining bir qismi sifatida siz va farzandingiz uchun muhim bo‘lib, tananing har bir hujayrasini qo‘llab-quvvatlashda katta rol o‘ynaydi. Homiladorlik davrida qancha miqdorda oqsil qabul qilishingiz kerakligi va ular nimalarda uchrashi haqida bilib oling.

Tanamizning har bir hujayrasida oqsil mavjud, teri, mushaklar, soch, tirnoq va qolgan barcha to‘qimalarimiz oqsildan iborat. Ular hujayralar tuzilishini tashkil etadi, ularning to‘g‘ri ishlashiga, shu bilan birga, qayta tiklanishiga ko‘mak beradi.

Homiladorlik davrida oqsil nihoyatda muhim o‘rin tutadi, chunki oqsil farzandingiz sog‘lom o‘sishiga yordam berish bilan bir vaqtning o‘zida bolaning rivojlanishida boshqa sohalarda ham o‘z hissasini qo‘shadi, misol uchun:

Yangi to‘qimalarning o‘sishi va shikastlanganlarining tiklanishi.

• Immun tizimi uchun antitelalar tayyorlash.

• Gormon va fermentlar ishlab chiqarish.

• Mushaklarning to‘g‘ri ishlashida ko‘makchi bo‘lish.

• Qon orqali kislorod tashish.

Tavsiya etilgan miqdorda oqsil qabul qilish bolaning tug‘ilish paytida sog‘lom vaznga ega bo‘lishiga yordam beradi. Sog‘lom vazn bilan tug‘ilgan bolada kelajakda diabet yoki semizlikning rivojlanish xavfi kamayadi. 

Homiladorlik davrida qabul qilingan oqsil farzandingiz hujayralarining tug‘ilishdan oldingi davrda ham normal ishlashiga imkon beradi. O’shanda kelgusida istalgan o‘sish va rivojlanish davri uchun mustahkam bir poydevor paydo bo‘ladi va go‘daklik, bolalik va undan keyingi davrlarda ham sog‘lom tanani ana shu poydevor ustida tiklash mumkin. 

Farzandingizning o‘sishini ta’minlash zaruriyati tufayli sodir bo‘ladigan turli xil o‘zgarishlarga organizmingiz moslashishi uchun sizga biroz ko‘proq oqsil kerak bo‘ladi. 

Kattalar uchun oqsilning normal miqdori kuniga 1 kg tana vazniga 0,75 g ni tashkil qiladi, homilador ayollar uchun kuniga 6 g qo‘shimcha oqsil qo‘shiladi.

Misol uchun, vazni 60 kg bo‘lgan ayollar uchun kuniga 45 g (60 x 0,75 g/kun = 45 g), homiladorlik davrida esa 51 g (45 + 6 = 51 g) oqsil kerak bo‘ladi.

Eng yaxshi qoida – kuniga 2-3 porsiya oqsil iste’mol qilish uchun har ovqatlanganingizda bir porsiya oqsilni qo‘shishni unutmang. Bir porsiya odatda kaftingiz o‘lchamiga teng. 

Nafaqat oqsilning miqdori, balki uning turli manbalaridan foydalanish ham muhim jihat hisoblanadi, negaki oqsilning turlicha xillari turlicha aminokislotalarga egadir. Qolaversa, taomlarda oqsilning turlicha manbalaridan foydalanish sizni ko‘pgina vitamin va minerallar bilan ham ta’minlaydi. Homiladorlik davrida sizga kerak bo‘ladigan vitaminlar va qo‘shimchalar haqida o‘qib chiqing.

Ushbu mahsulotlar o‘rtacha miqdordagi g‘arb parhezi doirasida ko‘p qo‘llaniladi, shu sababli, agar vegetarian yoki vegan bo‘lmasangiz, ehtiyojingizni qondirishingiz uchun ratsionga o‘zgartirish kiritishga hojat bo‘lmaydi. Jonivorlardan olinadigan mahsulotlardan uzoqroq bo‘lishni afzal ko‘ruvchi insonlar ko‘pgina zaruriy aminokislotalarni turli xil meva va sabzavotlar yordamida olishi mumkin. Homilador ayollarga mo‘ljallangan supermahsulotlar haqida bilib oling.