Sog‘lom kelajak uchun homiladorlarga to‘yimli ozuqalar

Homiladorlik davrida siz iste’mol qilayotgan ovqat farzandingizni me’yorda o‘sishi va rivojlanishi uchun ozuqa moddalari bilan ta’minlashda organizmingizga yordam beradi. Ammo yaqinda amalga oshirilgan kashfiyotlardan ma’lum bo‘lishicha, ona qornida bola oladigan ozuqa moddalari uning kelajakdagi salomatligiga avvalda hisoblanganidan kattaroq ta’sir ko‘rsatar ekan. Homiladorlik davridagi taomlanish farzandingiz tug‘ilganidan keyin uning salomatligida hal qiluvchi rol o‘ynashining sababini va iste’mol qilinayotgan ovqatdan olinadigan foydani qanday qilib maksimal darajada oshirish mumkinligini bilib oling.

Sog‘lom aql bizga singdirganidek, homiladorlik davrida to‘g‘ri taomlanish ham ona, ham bola uchun foydalidir. Lekin yaqindagina ilm-fan homiladorlikdagi parhez qanday ta’sir ko‘rsatishini aniq namoyon etdi.

Hozirda e’tirof etilishicha, homiladorlik davrida homila qabul qiladigan ozuqalar uning ona qornida o‘sishi va rivojlanishiga ta’sir qilish bilan kifoyalanib qolmaydi. U, shuningdek, bolaning go‘daklik, bolalik va butun qolgan umri davomidagi salomatligiga ham ta’sir o‘tkazadi.

Sog‘lom turmush tarzini tanlab va puxta muvozanatlangan, ozuqa moddalariga to‘yingan parhezga rioya etib, Siz farzandingiz farovonligini o‘n yillar oldindan qo‘llab-quvvatlaysiz.

Homiladorlik davrida farzandingiz bitta hujayradan to‘liq shakllangan, noyob bolaga aylanadi. Muayyan ozuqa moddalari mana shu o‘sish uchun zarur va ularni homiladorlar ratsioniga kiritish farzandingizga sog‘lom kelajakka tayyorgarlik ko‘rishda yordam beradi.

Me’yorda o‘sish va rivojlanish uchun oqsillar, yog‘lar va uglevodlar (farzandingiz energiyasining asosiy qismini ta’minlovchi makroelementlar)dan tashqari, ko‘pgina mikroelementlar ham talab etiladi.

Farzandingiz rivojlanishida ko‘plab ozuqa moddalari qatnashsa-da, quyida tavsifi keladigan vitaminlar, minerallar va yog‘lar homiladorlik davrida alohida ahamiyatga ega. Ularning ayrimlari, masalan C, D, A, foliy kislotasi, tiamin va riboflavin juda zarur bo‘lib, Sizga tavsiya etiladigan miqdorlari odatdagidan ko‘ra ko‘proqni tashkil etadi. Lekin, ularning ko‘pchiligi turli kundalik ovqat manbalarida mavjudligi sababli, Siz, ehtimol, allaqachon ularni yetarli miqdorda olayotgan bo‘lishingiz mumkin.

Muayyan asosiy ozuqa moddalarining tavsiya etilgan iste’moli (aksariyat odamlar ehtiyojlarini qondirish uchun yetarli sanaladigan miqdor) haqida va ularni qanday olish to‘g‘risida ko‘proq xabardor bo‘lishni istasangiz, homiladorlar uchun har bir ozuqa moddasi haqida ma’lumotga ega bo‘ling.

A vitamini farzandingizning ko‘rish qobiliyati me’yorda rivojlanishi uchun asosiy ozuqa moddasi bo‘ladi, shuningdek uning immun tizimini mustahkamlaydi. Ushbu ozuqa moddasini homiladorlik davrida xavfsiz iste’mol qilish farzandingiz tug‘ilganidan keyin uning organizmi uchun infeksiyaga qarshi kurashish va sog‘lig‘ini himoyalash uchun kerakli zaxira bilan ta’minlashga yordam beradi.

C vitamini kollagen – farzandingiz tanasining qurilish bloklaridan birini ishlab chiqish uchun zarur. Shuningdek, u organizmingizga boshqa mahsulotlardan, aynan o‘simlik manbalaridan temirni o‘zlashtirishga yordam beradi, bu bolaning kognitiv rivojlanishi uchun muhimdir.

D vitamini bolangizni kalsiy va fosfat bilan ta’minlashda hayotiy muhim ko‘makchi vazifasini o‘taydi. Bu ozuqa moddalari ona qornida bolaning suyaklarini mustahkamlash uchun zarur bo‘lib, ularning mavjudligi bolalikdagi rivojlanishga ijobiy ta’sir ko‘rsatishi mumkin. D vitamini sog‘lom darajada bo‘lishi turli kasalliklar, jumladan astma va diabet xatarini kamaytiradi.

D vitaminining eng samarali manbai – bu quyosh nuridir. Ammo UB-nurlar intensivligi yil davomida o‘zgarib turgani sababli, u homiladorlik va ko‘krak suti bilan emizish davrida vitaminli qo‘shimcha ko‘rinishida iste’mol qilishga tavsiya etiladigan ikkita ozuqa moddasinining biri sanaladi.

Foliy kislotasi farzandingizning ilk rivojlanishida – asab naychasi shakllanishida qatnashadi, u pirovardida bolaning bosh va orqa miyasi hamda asab tugunlari bo‘ladi. Ushbu muhim bosqichda me’yordagi rivojlanish butun kelgusi rivojlanish uchun eng yaxshi startni ta’minlaydi va kattaroq yoshda kasalliklarga chalinish xatarini kamaytirishda yordam beradi.

Shu sababli, shuningdek ovqat orqali sutkali me’yorni olish qiyin bo‘lgani uchun, qo‘shimchalarni ham homiladorlikni rejalashtirish bosqichida, ham 12- haftasigacha iste’mol qilish tavsiya etiladi.