Bola uchun D vitamini

D vitamini teriga quyoshning ultrabinafshasi — quyosh nurlari tushganda,  tanada ishlab chiqariladi. U shuningdek kam sonli oziq-ovqat mahsulotlarida ham uchraydi. D vitaminining eng samarali tabiiy manbai quyosh nurlari bo‘lganligi sababli, uni ba’zida quyosh nurlari vitamini deyishadi.

Yog‘da eriydigan vitamin bo‘lganligi tufayli, uning iste’moli tanaga zarur bo‘lgan miqdordan oshib kesa, ushbu vitamin keyinchalik foydalanish uchun yog‘ to‘qimalarida saqlanadi.

Suyaklar o‘sishi uchun muhim tarkibiy qism

Farzandingizning kalsiy va fosforni o‘zlashtirishi D vitaminining yetarli darajasiga bog‘liq. Shuning uchun D vitamini suyaklarning normal rivojlanishi va tishlarning salomatligi uchun juda muhimdir.

Farzandingizning suyaklari tez sur’atlarda o‘sib, mustahkamlanishi sababli, D vitaminining barqaror va yetarli miqdordagi zahirasi ushbu bosqichda optimal rivojlanish uchun juda muhim rol o‘ynaydi.

D vitamini, shuningdek, immunitet funksiyasida, o‘sishda va infeksiyalarga qarshi kurashish qobiliyatida muhim rol o‘ynab, qonda kalsiyning normal darajasini saqlab turishga yordam beradi.

Nima uchun ko‘pchilik bolalar D vitaminini yetarli miqdorda olmaydilar

Agar hududingizdagi ob-havo sharoitlari tufayli yetarli darajada quyosh nurlaridan bahramand bo‘lishning iloji bo‘lmasa, chaqalog‘ingiz D vitamini yetarlicha olmasligi mumkin.

Yana bir sabab — teri pigmentasiyasi. Terisi to‘qroq rangda bo‘lgan bolalar, ayniqsa, kelib chiqishi Osiyo, Afrika va O‘rta Sharq mamlakatlaridan bo‘lgan bolalarda D vitaminining past darajasi bo‘lish ehtimoli yuqoriroq. Chunki terisining pigment miqdori yuqori  bo‘lgan odamlar D vitaminini ishlab chiqarish uchun, terisi och tusda bo‘lganlarga qaraganda, quyoshda ko‘proq vaqt sarflashlari kerak.

D vitamini olish bilan bog‘liq muammolar tufayli, tibbiyot xodimlari uning ushbu vitaminga bo‘lgan kundalik ehtiyojlarini qondirish uchun, chaqalog‘ingizning taomnomasini yetarli miqdorda D vitamini bilan to‘ldirishingizni maslahat berishadi.

Nutrilon Premium 3 va 4 bolalar suti ushbu muhim bosqichda bola suyaklarining normal rivojlanishini ta’minlash uchun, D vitamini bilan boyitilgan: 150 ml sig‘imdagi ikkita butilkacha kundalik ehtiyojni to‘liq qondiradi.

D vitaminini yetarli darajada iste’mol qilmaslik, uning yetishmovchiligiga olib kelishi mumkin, bu esa sog‘liq uchun jiddiy muammolarni tug‘dirishi mumkin:

• Raxit — uzoq vaqt mobaynida D vitaminining sezilarli darajada pastligi suyaklarni mo‘rtlashtirib, yomon shakllanishiga olib kelishi mumkin.
• Boshqa kasalliklar — D vitaminining yetishmasligi kasalliklarning, shu jumladan diabetning 1 va 2 turlari, allergiya, astma va yurak-qon tomir kasalliklari xavfining ortishi bilan bog‘liq.

D vitamini yetishmovchiligi tufayli, kichkintoyning salomatligida kelajakda  asoratlar paydo bo‘lmasligi xavfini, bolaning taomnomasiga ushbu vitaminni yetarli miqdorda kiritish orqali pasaytirishingiz mumkin..