?ts=1707415369655&dpr=off)
Kesarcha kesish yo‘li bilan tug‘ilgan bolaning ichak mikrobiotasini qanday qo‘llab-quvvatlash kerak?
Bolaning tug‘ilishi haqiqiy mo‘jizadir. Tabiiy tug‘ilish kabi, kesarcha kesish amaliyoti ham chaqaloqni dunyoga keltirish uchun mo‘ljallangan. Shu bilan birga, bolaning tug‘ilish tarzi uning ichak mikrobiotasi shakllanishiga ta’sir qiladi, bu ayniqsa chaqaloqning immuniteti uchun muhimdir. Tabiiy tug‘ilish paytida onaning tug‘ish kanali orqali o‘tayotgan bola bifidobakteriyalar tufayli bakterial xususiyatdagi faol moddalarni oladi. Ammo kesarcha kesish bilan tug‘ilgan chaqaloqning ichak mikrobiotasini qanday qo‘llab-quvvatlashimiz mumkin? Buning yo‘llaridan biri to‘g‘ri oziqlanishdir.
“Mening ichak akrobatim” nima?
Tug‘ilgandan keyingi dastlabki 1000 kun — bu yosh organizmning barcha tarkibiy qismlarining, shu jumladan immunitet tizimining dinamik o‘sishi va rivojlanishi davri. Tug‘ilish vaqtida chaqaloqning immuniteti hali to‘liq shakllanmagan bo‘ladi va o‘zgaruvchan tashqi sharoitlarga moslasha olmaydi hamda patogen omillarga qarshi kurasha olmaydi. Immunitet tizimi rivojlanishining asosiy sohasi ichakdir. Shuning uchun u to‘g‘ridan-to‘g‘ri ovqat hazm qilish tizimiga tegishli bo‘lsa-da, u immunitet tizimining ham muhim elementi hisoblanadi. Aynan ichaklarda ichak mikrobiotasi hosil bo‘ladi. Unga mikroorganizmlarning joylashuvi ona qornida rivojlanish davrida va bola hayotining dastlabki yillarida sodir bo‘ladigan dinamik jarayondir.
Ichak mikrobiotasi — bu ichakning murakkab ekotizimini tashkil etuvchi mikroorganizmlar, jumladan, bakteriyalar to‘plami. Tabiiy tug‘ilish paytida onaning ham oshqozon-ichak traktidan, ham jinsiy yo‘llaridan keladigan mikrobiotasi va chaqaloqning ilk to‘g‘ridan to‘g‘ri aloqasi sodir bo‘ladi. Bu yangi tug‘ilgan chaqaloqning ichaklarini kolonizatsiya qiluvchi mikroorganizmlarning asosiy manbayi bo‘lib, ular orasida bifidobakteriyalar bolalarning ovqat hazm qilish traktida yashaydigan birinchi foydali bakteriyalardan biridir.
Kesarcha kesish yo‘li bilan tug‘ilgan chaqaloqni qo‘llab-quvvatlash
Kesarcha kesish yo‘li bilan tug‘ilgan chaqaloq onaning mikrobiotasi bilan bevosita aloqada bo‘lmaydi. Biroq foydali bakteriyalarning ichaklarga joylashishi tug‘ilgandan keyin ham davom etadi, shuning uchun yangi tug‘ilgan chaqaloq ichak mikrobiotasini to‘liq shakllantirishning boshqa usullari mavjud. Eng muhim usullardan biri chaqaloqning to‘g‘ri oziqlanishidir. U uchun eng yaxshi oziq ona suti bo‘lsa-da, ba’zida onada ko‘krak suti bilan oziqlantirishda muammolar bo‘lishi mumkin. Xususan, sutning turg‘unligi paydo bo‘lishi mumkin, chaqaloq to‘g‘ri ovqatlanish bilan bog‘liq muammolarga duch kelishi yoki kesarcha kesish bilan bog‘liq qiyinchiliklar bo‘lishi mumkin. Shuni esda tutish kerakki, ko‘plab muammolarni hal qilishning imkoni bor va ona, masalan, oziqlantirish texnikasini o‘zgartirishni tavsiya qiladigan akusher yoki ko‘krak sutida oziqlantirish bo‘yicha mutaxassisdan professional yordam olishi mumkin. Biroq ba’zi hollarda ko‘krak suti bilan oziqlantirishni davom ettirish imkonsiz bo‘ladi. Bunday holatda ona va yangi tug‘ilgan chaqaloqqa pediatr yordamga keladi, u sun’iy oziqlantirishning optimal usulini tanlashga yordam beradi.
Muhim ma’lumotlar.
Ko‘krak suti bilan oziqlantirish chaqaloqlarni oziqlantirishning eng to‘g‘ri va oson usuli bo‘lib, yosh bolalar uchun har xil oziqlanish bilan birga tavsiya etiladi. Ona suti bolaning to‘g‘ri rivojlanishi uchun zarur bo‘lgan ozuqa moddalarini o‘z ichiga oladi, uni kasallik va infeksiyalardan himoya qiladi. Agar ona homiladorlik va laktatsiya davrida to‘g‘ri ovqatlanishga rioya qilsa va bola ortiqcha oziqlantirib yuborilmasa, ko‘krak suti unga juda yaxshi ta’sir ko‘rsatadi. Ona oziqlantirish usulini o‘zgartirishdan oldin shifokor bilan maslahatlashishi lozim.
- West CE et al. (2015) J Allergy Clin Immunol 135:3-13.
- Yatsunenko T, Rey FE, Manary MJ, Trehan I, Dominguez-Bello MG, Contreras M, et al. Human gut microbiome viewed across age and geography. Nature. 2012;486:222–7
- Collado MC et al. 2012. Microbial ecology and host-microbiota interactions during early life stages. Gyt Microbes; 3: 352-365.
- Harmsen HJ, Wildeboer-Veloo AC, Raangs GC, Wagendorp AA, Klijn N, Bindels JG, et al. Analysis of intestinal flora development in breast-fed and formula-fed infants by using molecular identification and detection methods. J Pediatr Gastroenterol Nutr. 2000;30:61–7.
- Prior et al. Breastfeeding after cesarean delivery: a systematic review and meta-analysis of world literature. A, J Clin Nutr 2012; 95:1113-35.
- Cukrowska B. The Relationship between the Infant Gut Microbiota and Allergy. The Role of Bifidobacterium breve and Prebiotic Oligosaccharides in the Activation of Anti-Allergic Mechanisms in Early Life. Nutrients 2020; 12, 946.
Farzandingizning kelgusidagi salomatligi hozir shakllanmoqda
Biz Nutricia Club jamoasi tajriba moslashuvchanlikni rivojlantirishga yordam berishiga, homiladorlik paytida yoki tugʻruqdan keyin har qanday yangi sharoitga duch kelish Sizning farzandingizning kelgusidagi rivojlanishiga taʼsir qilishi mumkinligiga ishonamiz. Bizning malakali ekspertizamiz va qoʻllab-quvvatlash boʻyicha mutaxassislarimizning kunu-tun ishlashi tufayli biz Sizga va Sizning farzandingizga kelgusida sogʻlom boʻlishingizda yordam beramiz.
