Daha az, yoxsa daha çox?
Ana südündən ayırma zamanı körpənizin hələ də südə ehtiyacı var
Körpənizi ana südündən ayırarkən süddən daha az asılı vəziyyətə düşür və bunun əvəzinə qidaya daha bağlı olur. Süd körpənizi ana südündən ayırdığınız ilk vaxtlarda onun üçün qidalandırıcı maddələr və enerjinin əsas mənbəyi olaraq qalır və tədricən azaldılmalıdır.
Süd barədə faktlar: Ana südündən ayıran zaman südün əhəmiyyəti
Ana südündən ayırma körpənizin qatı qidalara keçid etməsini göstərən tədrici prosesdir. Körpənizin pəhrizinə qidaları daxil eləməyə başlayarkən onun qidalanmasından məmnunluq hiss etdiyinə və ehtiyac duyduğu bütün qidalandırıcı maddələri almasına əmin olmaq üçün ana südü və ya süd verməyə davam edin. Ana südü və ya südlü qatışıq 12 ayına qədər körpənizin enerji ehtiyacının əhəmiyyətli hissəsini təmin etməyə davam edəcək.
Ana südündən ayırmağa başlayarkən körpəmə nə qədər süd verməliyəm?
Körpəniz yeməklərə başlayanda ona verdiyiniz südün miqdarını tədricən nizama salmağınız lazımdır. Körpəniz üçün nəyin ən yaxşı olduğuna dair instinktlərinizə inanmaqdan əlavə, bu tövsiyələr də kömək edə bilər:
Ana südü
Hər körpə fərqli olduğu üçün və ana südü əmərkən nə qədər süd içdiyini ölçmək çətin olduğu üçün ana südündən ayırma dövründə körpənizə nə qədər süd verməli olduğunuzu demək mümkün deyil. Körpənizin tələbinə uyğun əmizdirməyə davam etməli və daha ehtiyacı olmadığına özünün qərar verməsinə imkan verməlisiniz.
Əmizdirmək sadəcə qidalandırmaq demək deyil. Bu, eyni zamanda körpənizə təhlükəsizlik və müdafiə hissi bəxş edir. Buna görə də ana südündən ayırarkən çoxlu qucaqlamaq və sakitləşdirmək kimi alternativ rahatlaşdırmaq üsullarından istifadə edin. Ana südündən ayırma həmçinin sizin üçün də mərhələli bir prosesdir və bunu tədricən etməyiniz orqanizminizin daha az süd hazırlamağa uyğunlaşmasına kömək edər.
Ana südündən ayırmanın asan keçid olması üçün nə etməliyəm?
Başlanğıcda körpənizin ağzındakı yemək hissinə vərdiş etməsi və onu necə çeynəyib udmağı öyrənməsi lazım gələcək, hələ ki, o, çox az miqdarda yeyəcək.
Körpənizin rahat, məmnun və çox ac olmadığına əmin olsanız, o, qatı qidaları sınamağa daha həvəsli olacaq. Buna görə də ana südündən ayırmağa başladığınız ilk vaxtlarda yeməkdən əvvəl bir qədər süd verin. Sonralar isə körpəniz yeməyə alışdıqdan sonra süddən əvvəl yeməyi təklif edin.
Körpəniz qatı qidaları yedikcə, çox güman ki, daha az süd içəcək və süd ilə qidalanması, təbii olaraq, daha qısa və nadir hallarda olacaq.
Körpəniz təxminən 6 aylıq olanda udmağı öyrənməsinə kömək etmək üçün ona ağzı açıq və ya rahat axını olan fincan verin. İlk qeyri-süd içkisi olaraq su körpənizdə şirin və süni dadlandırıcılar üçün dadbilmə qabiliyyətinin inkişafını yayındıracaq.
Ana südündən ayırma zamanı inək südü istifadə edilməlidirmi?
12 ayına qədər körpələrə ana südü və ya südlü qatışıq əvəzinə inək və keçi südü verilməməlidir. Bununla belə, inək südü yeməklərin bişirilməsi və hazırlanmasında istifadə oluna bilər. Yeməklərin hazırlanmasında keçi südü istifadə etməyi seçsəniz, pasterizə edildiyindən əmin olun.
- NHS UK. Milk and dairy foods [Online]. 2013. Available at: www.nhs.uk/Livewell/Goodfood/Pages/milk-dairy-foods.aspx [Accessed July 2014]
Son baxış: 5 sentyabr 2016
Körpənizin gələcək sağlamlığı buradan başlayır
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
