Qeysəriyyə əməliyyatından sonra ana südü ilə qidalandırma – ana körpəni öz südü ilə qidalandıra bilmədiyi halda laktasiyanı necə stimullaşdırmaq və körpəni hansı qidalarla bəsləmək olar?
Hamiləlik dövründən etibarən ananın bədəni körpə üçün ilk və ən vacib qida olan ana südü istehsal etməyə hazırlaşır. Bu, körpə üçün ən faydalı qidadır, buna görə də mütəxəssislər ana südü ilə qidalanmanın ən azı iki il və ya daha çox davam etməsini tövsiyə edirlər. Körpənin təbii doğuş və ya qeysəriyyə əməliyyatı ilə doğulmasından asılı olmayaraq ana körpəni öz südü ilə bəsləyə bilər. Amma ana südü ilə qidalandırma hər zaman asan olmur, qeysəriyyə yolu ilə doğum ana südü ilə qidalanmaya mane olan amillərdən biri kimi sayıla bilər. Qeysəriyyə əməliyyatından sonra laktasiyanı necə stimullaşdırmaq və qadınların ana südü ilə qidalandırma problemini necə həll etmək olar?
Ana südü körpə qidasının qızıl standartı kimi hesab olunur.
Ana südü istənilən vaxt mövcuddur, körpənin ən vacib ehtiyaclarını ödəyir və həqiqətən unikaldır. Təsadüfi deyil ki, Ümumdünya Səhiyyə Təşkilatının mütəxəssisləri körpə həyatının ilk 6 ayında yeganə qida olaraq ana südü ilə bəslənməsini tövsiyə edir. Əmizdirmə ana və körpənin istəyinə uyğun olaraq iki yaşa və daha uzun müddətə qədər davam etdirilməlidir.
Vitamin və minerallarla, eləcə də oliqosaxaridlərlə zənginliyi sayəsində ana südü uşağın həzm sistemi və doğuşdan sonra hələ də inkişaf edən bağırsaq mikrobiotası, yəni müxtəlif mikroorqanizmlərin yaratdığı mürəkkəb ekosistem üçün xüsusi əhəmiyyət kəsb edir. Bağırsaq mikrobiotası uşağın həyatının ilk illərində intensiv şəkildə inkişaf edir və onun uyğun tərkibi immunitet sisteminin inkişafı üçün son dərəcə vacibdir.
Bunları bilmək faydalıdır!
Körpənin bağırsaq mikrobiotasının tərkibinə bir çox amillər təsir edir. O doğuş növünə, ananın mikrobiotasının tərkibinə və ya uşağın və ananın qida rasionuna aiddir. Artıq doğuş zamanı təbii olaraq yeni doğulmuş körpənin mikrobiotası həm mədə-bağırsaq bölgəsindən, həm də qadının cinsiyyət orqanından olan bakteriyalarla zənginləşir. Onların arasında Bifidobakteriyalar var.
Sağlam körpələrin bağırsaqlarında tapılan Bifidobakteriya breve bakteriyasının növləri xüsusilə diqqətəlayiqdir. Maraqlıdır ki, ana südü ilə qidalanan körpələrin bağırsaq mikrobiotasında Bifidobakteriya cinsinin bakteriyaları üstünlük təşkil edir.
Ana südü ilə qidalandırma bəzən çətin ola bilər.
Qadın artıq hamiləlik dövründə körpəni ana südü ilə qidalandırmağa hazırlaşsa da, bu qədər sadə olmur. Laktasiya stress, ananın sağlamlıq problemləri və ya işə qayıtmaq kimi bir çox amillərdən təsirlənə bilər. Bundan əlavə, qeysəriyyə ilə doğuşun ana südü ilə qidalandırmadakı çətinliklərə təsir etmə ehtimalı var. Bununla belə, laktasiya, süd verməklə stimullaşdırıla bilər, bunun sayəsində döşlər sabit, uyğun bir miqdarda süd istehsal edəcəkdir. Anaya istirahət etmək, düzgün yemək və çoxlu su içmək tövsiyə olunur, çünki qidalanma zamanı mayelərə tələbat əhəmiyyətli dərəcədə artır.
Bu cəhdlərə baxmayaraq, laktasiyanın stimullaşdırılması nəticə vermirsə, laktasiya məsləhətçisi və ya mama ilə məsləhətləşmək tövsiyə olunur. Bəzən ehtiyacınız olan tək şey qidalandırma üsulunuzu dəyişdirməkdir. Bəzi hallarda, qarışıq qidalandırma, yəni körpəyə eyni zamanda ana südü və qarışıq süd vermək kömək ola bilər. Bunun sayəsində körpəni ana südü ilə qidalandırmağa davam edə bilərsiniz və körpənin tox olduğundan və düzgün çəki qazandığından əmin ola bilərsiniz. Ancaq bütün bunlar yaxşı nəticə vermədikdə, bir pediatrın köməyi ilə uşağınızın ehtiyaclarına uyğun başqa bir qida seçməlisiniz.
Qeysəriyyə əməliyyatı ilə doğulan körpələr üçün məhsul
Nutricia tədqiqatçıları qeysəriyyə əməliyyatı ilə doğulan körpələr üçün bazarda ilk olan xüsusi formula hazırlayıblar. Bifidobakteriya (B. breve M-16V) cinsinə aid bakteriyaların əlavə edilməsi ilə Nutrilon Cesar Biotik qeysəriyyə yolu ilə doğulan körpələrin immun sistemini və inkişafını dəstəkləmək üçün yaradılmışdır. Məhsulun tərkibində ana südündə olan HMO 2'FL, immun tərkibi, yəni immun sisteminin düzgün işləməsi üçün vitaminlər A, C, D və sink, düzgün idrak inkişafı üçün yod, möhkəm sümüklər üçün kalsium və maqnezium, beyin inkişafı üçün omeqa 3 (DHA və ALA) və ana südü oliqosaxaridlərinin tərkibini çoxaldan omeqa 6 (AA) və GOS/FOS oliqosaxaridləri kimi təbii inqrediyentlər var.
Əlavə suallarınız olduğu halda, mütəxəssislər övladınızın inkişafını dəstəkləmək və düzgün bəslənməni təmin etmək barədə sizə məsləhət vermək üçün hazırdır.
Vacib məlumat: Ana südü körpələri qidalandırmaq üçün ən uyğun və qənaətcil üsuldur və müxtəlif pəhrizdə olan kiçik uşaqlar üçün tövsiyə olunur. Ana südü körpənin düzgün inkişafı üçün lazım olan bütün qidaları ehtiva edir və onu xəstəliklərdən və infeksiyalardan qoruyur. Ana hamiləlik və laktasiya dövründə düzgün qidalandıqda və körpəni düzgün qidalandırdıqda ana südü ən yaxşı nəticəni verir. Qidalandırma üsulunu dəyişdirməyə qərar verməzdən əvvəl ana həkimlə məsləhətləşməlidir.
- Prior et al. Breastfeeding after cesarean delivery: a systematic review and meta-analysis of world literature. A, J Clin Nutr 2012; 95:1113-35.
- Yatsunenko T, Rey FE, Manary MJ, Trehan I, Dominguez-Bello MG, Contreras M, et al. Human gut microbiome viewed across age and geography. Nature. 2012;486:222–7.
- Penders J, Thijs C, Vink C et al. Factors influencing the composition of the intestinal microbiota in early infancy. Pediatrics 2006;118:511-12.
- Khodayar-Pardo, P.; Mira-Pascual, L.; Collado, M.C.; Martínez-Costa, C. Impact of lactation stage, gestational age and mode of delivery on breast milk microbiota. J. Perinatol. 2014, 34, 599–605.
- Solis G et al. Establishment and development of lactic acid bacteria and bifidobacterial in breastmilkand the infant gut. Anaerobe 2010; 16:307-310.
- Prior et al. Breastfeeding after cesarean delivery: a systematic review and meta-analysis of world literature. A, J Clin Nutr 2012; 95:1113-35.
Son baxış: 4 iyul 2016
Körpənizin gələcək sağlamlığı buradan başlayır
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
