Hazırlıq müddəti: 5 dəqiqə. Bişmə müddəti: 1 saat. Porsiya: 4
Sobada kartofu şirin kartof ilə əvəz etmək sizi əlavə liflə, bu yeməkdəki pomidor isə C vitamini ilə təmin edəcək. İnqrediyentləri iki dəfə artırın, bununla da növbəti gün üçün də bol miqdarda nahar qalacaq.
Bu yemək: Qlüten yoxdur • vegetarian • az miqdarda yağ, doymuş yağ və şəkər • yüksək miqdarda lif və protein • yüksək miqdarda A vitamini • C vitamini, kalium və manqan mənbəyi
Hər porsiyanın tərkibi:
| Qida dəyəri | Miqdarı | Qidalandırıcı qəbulu norması (%) |
|---|---|---|
| Enerji | 475 kkal | 24% |
| Yağ | 8.9 q | 13% |
| Doymuş yağ | 4.3 q | 22% |
| Şəkər | 19 q | 21% |
| Duz | 1.7 q | 28% |
İnqrediyentlər
- 4 ədəd orta ölçüdə şirin kartof
- 400 q konservləşdirilmiş doğranmış pomidor
- 400 q konservləşdirilmiş bişmiş paxla
- 200 q yağ azaldılmış feta pendiri (vegetarian feta mövcuddur)
- 120 q rukola
- 1 diş sarımsaq
- 1 çay qaşığı qırmızı bibər
- 1/2 çay qaşığı şəkər
- Təzə üyüdülmüş qara bibər
- 1/4 çay qaşığı duz
- 1 yemək qaşığı balzamik sirkə
- Bir ovuc iri doğranmış reyhan yarpaqları
- 2 çay qaşığı zeytun yağı
- 1 yemək qaşığı limon suyu
Reseptin tərkibindəki allergenlər: süd. Qida dəyəri barədə bütün məlumatlar bir porsiyaya əsaslanır.
Qidalandırıcılıq baxımından faydaları
* Pomidor: Tərkibindəki C vitamini hüceyrələrinizi qorumağa və onların sağlam qalmasına kömək edir1
* Paxla: Sizdəki hormonal dəyişiklər səbəbindən yaranan qəbizliyin qarşısını almağa kömək edən lifli maddələri təmin edir2
* Feta pendiri: Kifdə hazırlanmış yumşaq pendirlər istisna olmaqla, pasterizə edilmiş süddən hazırlanmış bütün pendir növləri hamiləlik dövründə yeyilə bilər3
* Şəkər: Yemək hazırlayarkən istifadə etdiyiniz şəkərin miqdarını azaltmağınız tövsiyə olunur, çünki çox miqdarda şəkər daha yüksək kalori almağa, bu isə çəki artımına səbəb ola bilər4
Hazırlanma qaydası
- Sobanı əvvəlcədən 200°C-dək isidin (ventelyatorlu).
- Şirin kartofları çəngəlləyin və soba məcməyisində 45 dəqiqə sobada bişirin. Sonra sobanı söndürün və daha 15 dəqiqə içəridə saxlayın.
- Kartoflar bişərkən bir çay qaşığı zeytun yağını bir tavada orta odda isidin, sonra sarımsağı əlavə edin və yumşalana qədər 1-2 dəqiqə qızardın.
- Konservləşdirilmiş pomidoru, qırmızı bibəri, duzu, qara bibəri və şəkəri (istifadə etsəniz) tavaya tökün, paxlaları əlavə etməmişdən əvvəl bir neçə dəqiqə bişirin.
- Təxminən 15 dəqiqə bişirin, sonra balzamik sirkəni əlavə edin, qarışdırın və odun üstündən götürün.
- Kartofları çarpaz şəkildə açın və içləri çölə çıxana qədər kənarlara doğru basın. Bişmiş paxlanı üstünə qoyun, sonra isə xırdalanmış feta pendirini əlavə edin.
- Üzərinə zeytun yağı və reyhan səpin, yanına limon suyu ilə hazırlanmış rukola salatı qoyun.
- NHS. Vitamin C in pregnancy [Online] 2017 Available at: https://www.nhs.uk/conditions/pregnancy-and-baby/vitamins-minerals-supplements-pregnant/#vitamin-c-in-pregnancy[Accessed July 2018].
- NHS. Your pregnancy and baby guide [Online] 2018 Available at: https://www.nhs.uk/conditions/pregnancy-and-baby/common-pregnancy-problems/#constipation [Accessed June 2018].
- NHS. Cheeses to avoid in pregnancy [Online] 2017 Available at: https://www.nhs.uk/conditions/pregnancy-and-baby/foods-to-avoid-pregnant/#some-types-of-cheese [Accessed August 2018].
- NHS. How does sugar in our diet affect our health? [Online] 2017 Available at: https://www.nhs.uk/live-well/eat-well/how-does-sugar-in-our-diet-affect-our-health/ [Accessed July 2018].
Son baxış: 7 sentyabr 2018
Körpənizin gələcək sağlamlığı buradan başlayır
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
