Hazırlıq müddəti: 5 dəqiqə. Bişmə müddəti: 30 dəqiqə. Porsiya: 2
Ənənəvi paella ləzzəti və dadlı makaronun ahəngini təqdim edən bu yemək protein baxımından zəngindir, həmçinin tiamin və manqan kimi mineralları da təmin edir.
Bu yemək: Şəkər azdır • liflər mənbəyi • proteinlə zəngindir • tiamin • manqan və xlorid • fosfor mənbəyi
Hər porsiyanın tərkibi:
| Qida dəyəri | Miqdarı | Qidalandırıcı qəbulu norması (%) |
|---|---|---|
| Enerji | 415 kkal | 21% |
| Yağ | 13 q | 19% |
| Doymuş yağ | 4.5 q | 23% |
| Şəkər | 5.9 q | 7% |
| Duz | 1.7 q | 28% |
Dietoloq tövsiyəsi
Bişməmiş kolbasa məhsullarından uzaq durmağınız tövsiyə edilsə də, yaxşı bişdiyi halda çorizo yeyilə bilər.1
İnqrediyentlər
- 140 q qurudulmuş fusilli makaronu
- 60 q incə dilimlənmiş və yarı bölünmüş çorizo sosiskası
- 70 q dondurulmuş, bişirilmiş, soyulmuş krevet
- 1/2 çay qaşığı zeytun yağı
- 150 q yarı bölünmüş çerri pomidoru
- 1 diş xırda doğranmış sarımsaq
- 1/2 limon
- 1/2 çay qaşığı qırmızı (pul) bibər
- 1/2 çay qaşığı çili bibəri
- 1/4 çay qaşığı qara bibər
- İri doğranmış bir neçə reyhan yarpağı
- 1 çay qaşığı parmesan
- Bir ovuc rukkola yarpaqları
Reseptin tərkibindəki allergenlər: xərçəngkimilər (krevet), qlüten və süd. Qida dəyəri barədə bütün məlumatlar 100 qrama əsaslanır, amma diqqət edin ki, bu, tövsiyə edilən porsiya miqdarı deyil.
Qidalandırıcılıq baxımından faydaları
* Tam buğda fusilli: Sizdəki hormonal dəyişiklər səbəbindən yaranan qəbizliyin qarşısını almağa kömək edən lifli maddələri təmin edir2
* Krevet: Tərkibində E vitamini var. Hamiləlik dövründə kifayət qədər E vitamini qəbul etmək körpənizin həyatının sonrakı illərində onun astma və respirator xəstəliklərə yoluxma ehtimalını azaldır.3,4 Bişirildiyi halda hamiləlik dövründə krevet yemək təhlükəsizdir5
* Pomidor: Tərkibindəki C vitamini hüceyrələrinizi qorumağa və onların sağlam qalmasına kömək edir6
Hazırlanma qaydası
- Makaronu bişirilmə təlimata uyğun duzlu suda bişirin və suyundan bir stəkan ayırıb kənara qoyun.
- Tavada yağı isidin, sarımsağı 1-2 dəqiqə qızartdıqdan sonra çorizo sosiskalarını əlavə edin. Çorizolar yağını buraxana qədər daha 2-3 dəqiqə bişirin.
- Krevetləri əlavə edin, qarışdırın, sonra isə qırmızı bibər, çili bibəri, yarım limonun qabığını və suyunu əlavə edin, yenə qarışdırın.
- Pomidorları əlavə edin, yumşalana və qaşığın arxası ilə əzilə bilənə qədər 2-3 dəqiqə bişirin. Yarım stəkan makaron suyunu əlavə edin, qarışdırın və su bir qədər azalana qədər bişirməyə davam edin.
- Bir qədər qatılaşdıqdan sonra parmesan pendirini, reyhanı və qara bibəri əlavə edin, daha sonra isə bişmiş makaronu əlavə edin və yaxşıca qarışdırın. Ehtiyac olarsa, az miqdarda makaron suyu əlavə edin.
- Ən axırda rukkola yarpaqlarını əlavə edib qarışdırın, üzərinə bir qədər parmesan və qara bibər səpib nuş edin.
- NHS. Foods to avoid in pregnancy [Online] 2017 Available at: https://www.nhs.uk/conditions/pregnancy-and-baby/foods-to-avoid-pregnant/#raw-or-partly-cooked-eggs. [Accessed June 2018].
- NHS. Your pregnancy and baby guide [Online] 2018 Available at: https://www.nhs.uk/conditions/pregnancy-and-baby/common-pregnancy-problems/#constipation [Accessed June 2018].
- Turner SW et al. Associations between fetal size, maternal α-tocopherol and childhood asthma. Thorax 2010;65(5):391-7. AND Devereux G et al. Low maternal vitamin E intake during pregnancy is associated with asthma in 5-year-old children. Am J Resp Crit Care Med 2006;174(5):499-507.
- Devereux G et al. Low maternal vitamin E intake during pregnancy is associated with asthma in 5-year-old children. Am J Resp Crit Care Med 2006;174(5):499-507.
- NHS. Foods to avoid in pregnancy [Online] 2017 Available at: https://www.nhs.uk/conditions/pregnancy-and-baby/foods-to-avoid-pregnant/#fish-and-shellfish. [Accessed June 2018].
- NHS. Vitamin C in pregnancy [Online] 2017 Available at: https://www.nhs.uk/conditions/pregnancy-and-baby/vitamins-minerals-supplements-pregnant/#vitamin-c-in-pregnancy[Accessed July 2018].
Son baxış: 7 sentyabr 2018
Körpənizin gələcək sağlamlığı buradan başlayır
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
