Hazırlıq müddəti: 10 dəqiqə. Bişmə müddəti: 30-40 dəqiqə. Porsiya: 2
Bu Aralıq dənizi tərəvəz yeməyinin tərkibində liflərlə zəngin badımcan və kaliumla zəngin fıstıq var. Həmçinin tez hazırlanır və çox ləzzətlidir.
Bu yemək: Vegetarian • az şəkərli • az duzlu • liflər mənbəyi • proteini yüksək
Hər porsiyanın tərkibi:
| Qida dəyəri | Miqdarı | Qidalandırıcı qəbulu norması (%) |
|---|---|---|
| Enerji | 485 kkal | 24% |
| Yağ | 21 q | 30% |
| Doymuş yağ | 5.3 q | 27% |
| Şəkər | 9.4 q | 10% |
| Duz | 1.4 q | 23% |
Dietoloq tövsiyəsi
Nə qədər müxtəlif çeşidli tərəvəz yesəniz, o qədər çox müxtəlif qidalandırıcılar qəbul edərsiniz.
İnqrediyentlər
- 1 orta ölçülü badımcan
- 100 q az yağlı vegetarian feta pendiri
- 1/2 yemək qaşığı doğranmış fıstıq
- 1 yemək qaşığı raps yağı
- 100 q kuskus
- 150 q çerri pomidoru
- Yarım xiyar
- 1 limon
- 1 çay qaşığı az duzlu tərəvəz bulyonu tozu (və ya yarım kub)
- 2 diş əzilmiş sarımsaq
- 1/2 çay qaşığı qara bibər
- 1 yemək qaşığı iri doğranmış reyhan
Reseptin tərkibindəki allergen: fıstıq, qlüten (kuskus), kərəviz (bulyon tozu), süd (feta). Qida dəyəri barədə bütün məlumatlar 100 qrama əsaslanır, amma diqqət edin ki, bu, tövsiyə edilən porsiya miqdarı deyil.
Qidalandırıcılıq baxımından faydaları
* Badımcan: Sizdəki hormonal dəyişiklər səbəbindən yaranan qəbizliyin qarşısını almağa kömək edən lifli maddələri təmin edir1
* Fıstıq: Tərkibində E vitamini var. Hamiləlik dövründə kifayət qədər E vitamini qəbul etmək körpənizin həyatının sonrakı illərində onun astma və respirator xəstəliklərə yoluxma ehtimalını azaldır2,3
* Kuskus: Tərkibindəki protein körpənizin böyüməsi üçün təməl daşları təmin edir4
* Pomidor: Tərkibindəki C vitamini hüceyrələrinizi qorumağa və onların sağlam qalmasına kömək edir5
Hazırlanma qaydası
- Sobanı 220oC-dək isidin.
- Badımcanı iki yerə bölün, ortasında diaqonallar üzrə çarpaz kəsiklər edin. Raps yağını badımcanın həmin yarıqlarının içinə sürtün, qara bibərin yarısını səpin, sobaya qoyun və üstü qızılı-qəvəyi rəng alana qədər 30 dəqiqə bişirin.
- Badımcan bişənə qədər kuskus hazırlayın. Bir limonun suyunu, 2 diş əzilmiş sarımsağı, qalan qara bibəri və bulyon tozunu bir qaba tökün, üzərinə 150 ml qaynamış su əlavə edib qarışdırın.
- Kuskusu bir kasaya tökün, həmin mayeni əlavə edin və bir az qarışdırın, üstünü örtün, 3-4 dəqiqə gözləyin, sonra isə çəngəllə çırpın.
- Xiyarı kiçik-kiçik doğrayın, çerri pomidorlarını iki yerə bölün və kuskusla qarışdırıb bir kənara qoyun.
- Badımcanı sobadan çıxarın, əgər özü yumşaq, rəngi isə qızılı-qəhvəyidirsə, hər iki tikənin üzərində feta pendirini doğrayın və yenidən sobaya qoyub 5 dəqiqə bişirin.
- Badımcan tikələrinin üzərinə doğranmış fıstıq və reyhan səpin, yanına bir porsiya kuskus qoyub nuş edin.
- NHS. Your pregnancy and baby guide [Online] 2018 Available at: https://www.nhs.uk/conditions/pregnancy-and-baby/common-pregnancy-problems/#constipation [Accessed June 2018].
- Turner SW et al. Associations between fetal size, maternal α-tocopherol and childhood asthma. Thorax 2010;65(5):391-7.
- Devereux G et al. Low maternal vitamin E intake during pregnancy is associated with asthma in 5-year-old children. Am J Resp Crit Care Med 2006;174(5):499-507.
- NHS. Healthy Eating Pregnancy [Online] Available at: https://www.nhs.uk/start4life/pregnancy/healthy-eating-pregnancy/ [Accessed July 2018].
- NHS. Vitamin C in pregnancy [Online] 2017 Available at: https://www.nhs.uk/conditions/pregnancy-and-baby/vitamins-minerals-supplements-pregnant/#vitamin-c-in-pregnancy[Accessed July 2018].
Son baxış: 7 sentyabr 2018
Körpənizin gələcək sağlamlığı buradan başlayır
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
