Qaşıq əldə edin
Qidalanma miqdarı və tezliyi üçün təlimat
Körpənizin nə qədər yeməli olduğunu bilməyiniz xüsusən erkən dövrlərdə çətin ola bilər. Təxminən ikinci həftədən başlayaraq altı aylıq olana qədər gündəlik olaraq çəkisinin hər kq-a təxminən 150-200 ml qidaya ehtiyac duyacaq.1 Körpələr üçün qidalanma cədvəlimizdə yedizdirmənin miqdarı və tezliyi barədə təlimat göstərilmişdir. Ümumiyyətlə, 2-ci həftədən başlayaraq 6 ayına qədər şüşə qabdan qidalanma rejiminin gündə təxminən 5-6 dəfədən ibarət olması gözlənilir.
Hər körpə fərqlidir və iştahları da böyük ölçüdə dəyişir. Aşağıdakı cədvəl körpənizin yaşına görə hansı tezliklə və nə qədər yeməli olduğu barədə ümumi təlimatı təqdim edir.
Körpənizin qidalanma vərdişləri bu təlimata tam uyğun olmaya bilər və nadir hallarda əvvəlki qidalanması bitdikdən düz üç saat sonra oyanacaq. Yaxşı qidalandığı və normal çəki artırdığı halda, çox güman ki, ehtiyac duyduğu miqdarı alır.
Körpəniz vaxtından əvvəl və ya az çəki ilə doğulubsa, qidalanma ehtiyacı fərqli ola bilər. Həkiminiz körpənizin unikal ehtiyacları barədə sizə məsləhət verə bilər.
0–12 ay üçün qidalanma təlimatı
Körpənizin aşağıdakı cədvəldə göstərilən miqdardan daha çoxuna və ya azına ehtiyacı ola bilər; bu, sadəcə bir təlimatdır. Körpəniz yeyən zaman qətiyyən onu tək qoymayın.
| Təxmini yaş | Təxmini çəki (kq) | Hər 24 saatda yemək sayı | Hər yeməkdə qaşıq sayı (1 qaşıq = 4.6 q) | Su/qida miqdar ml |
|---|---|---|---|---|
| 2 həftəyə qədər | 3.5 | 6 | 3 | 90 3 |
| 2-4 həftə | 3.9 | 5 | 4 | 120 4 |
| 4-8 həftə | 4.7 | 5 | 5 | 150 5 |
| 8-12 həftə | 5.4 | 5 | 6 | 180 6 |
| 3-4 ay | 6.2 | 5 | 6 | 180 6 |
| 4-5 ay | 6.9 | 5 | 7 | 210 7 |
| 5-6 ay | 7.6 | 5 | 7 | 210 7 |
| 7-12 ay | – – | 3 | 7 | 210 7 |
Vacib qeyd
Körpənizin südünün düzgün ölçüdə qarışdırıldığından əmin olmaq üçün həmişə verilən qaşığı istifadə edin. Zəhmət olmasa, nəzərdə saxlayın ki, qaşığın rəngi vaxt keçdikcə dəyişə bilər.
Yemək vaxtını necə tutmalı
Yemək vaxtları başladığı andan hesablanmalıdır. İlk günlərdə yemək müddəti bir saata qədər uzana bilər və körpəniz gündə təxminən 6 dəfə yeməyə ehtiyac duyacaq. Körpəniz daha effektiv şəkildə yeməyi öyrəndikcə, çox güman ki, sürəti də artacaq.
Yeməklər arasındakı müddəti ölçmək üçün bir yeməyin əvvəlindən digər yeməyin başlama vaxtı arasındakı müddəti götürün. Məsələn, körpəniz saat 11:00-da yeməyə başlayıbsa, təxminən saat 14:00-da yenidən acacağını ehtimal edə bilərsiniz.
Körpənizin gələcək sağlamlığı buradan başlayır
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
